It(em) allen den ghenen die dese l(ette)ren sullen sien oft horen/ lesen burgermeeste(re)n scepen(en) en(de) raide der stat van lov(enen)/ saluyt doen cont en(de) te weten dat opden dach van heden/ datum van desen voir ons comen is in prop(re) p(er)sone jouffr(ouwe)
//
lijsbeth vander noet werdynne anthonis van bezuets met consente/ wille en(de) bijsijne des vors(creven) anthonis hars mans En(de) heeft gekint/ en(de) gelijt opembairlic dat zij metten vors(creven) anth(onise) hae(re)n ma(n)/ wettelic vercocht heeft in tytle van dueghdeliker coepmantscap/ andriese van raetshoven alle alsulke wynnen(de) lande en(de) beempd(en)/ als de selve jouffr(ouwe) liggen(de) heeft te hespen te wange te/ mere en(de) dair omtrent die hair bleven en(de) verstorve(n) zijn/ na en(de) vander doot laureys zwallart haers oems Ende/ maect dair om mechtich en(de) constitueert den vors(creven) anth(onise)/ hae(re)n man en(de) janne rijkart ende een yegelic van hen te trecken/ voir alle hoven dair men de selve goede afhouden(de) is ende/ aldair te doen en(de) te goeden na elcker bancrecht den vors(creven)/ andriese oft den ghenen dient hem gelieft en(de) d(air) op te v(er)thien/ gelijc en(de) in alle der manie(re)n zij tallen plaetsen met hae(re)n/ vors(creven) ma(n) selve zoude doen oft zij tegenwordich wa(r)e Ende/ geloofde voir ons in goeden truwen opde verbintenesse van/ allen hue(re)n goeden tegenwordich en(de) toecomen(de) beruerlic ende/ omberuerlic goet vast gestentich en(de) van weerden te houden/ allet ghene des bijden vors(creven) anth(onise) oft janne in des vors(creven)/ is gedaen en(de) gelooft sal worden in e(n)niger manie(re)n zonder/hair dair tegen te attempte(re)n te doen of laten attempt(eren)/ bij hair selven oft yemant and(er)s in e(n)nigen rechte gheestelic/ oft weerlic in e(n)niger wijs maii xviii