Item willem scilt doerweerde(r) vander raetcame(re)n van brabant in p(rese)ncia/ heeft gekint ontfangen te hebben van lodewijcke pynnock meye(r) te/ loeven(en) veertich gulden(en) leeuwe in goude eene(n)twintich w(ille)l(mu)s scilde/ in goude veerthien gulden pet(er)s in goude en(de) vier gulden cronen/ in goude ende die heeft die selve willem geloeft te vue(re)n in hande(n)/ her h(en)rick magnus ridder raet m(ijns) gened(ichs) he(re)n ende stadhelde(r) van/ sijne(n) leenen van brabant om des appointements wille voirmaels
//
gedaen bijden rade van brabant Daer mede uuytgesproken/ is dat de voirs(creven) meye(r) bringen soude in handen vanden grieffier/ vander raetscame(re)n van brabant alsulken pe(n)ningen als hij voe(r) buillon/ voirmaels h(ier) in ende omtrent der stadt van loeven(en) diversen p(er)sone(n)/ afgenomen heeft mids eenen gebode doen van ons voirs(creven) gened(ichs)/ hee(re)n wegen gedaen vanden loep vanden ghelde Ende dat de/ selve her henrick d(air)af niet scheyden en soude gheenssins de/ voirs(creven) lodewijck de meye(r) en soude voir zijn int(er)est bijden voirs(creven)/ rade van brabant zijn gehoirt cor(am) nausnyde(re) vynck junii xv