Wij lodewijc roelofs ende andries de nausnide(re) scepen(en) te/ loven(en) doen cont en(de) kynlic allen lieden dat voir ons come(n)/ sijn in prop(ere) p(er)sonen arnt de mont ter eend(er) zijden en(de)/ otte van haeght ter ande(re) en(de) sijn bij middel van hue(re)n/ vrienden in wedersijde genomen voir hen hue(re)n erven en(de)/ nacomelingen eensworden en(de) veraccordeert vanden stote/ en(de) gescille die zij underlingen over eene lange wile/ tijts gehad hebben uut saken vand(er) pechtingen en(de) den/ presten d(air) inne begrepen der [goede] jouffr(ouwe) [heylwig(en)] boille [gelege(n) te geldenake] die de vors(creven)
//
arnt voir en(de) de vors(creven) otte na gehouden hebben en(de) des dien e(n)nich/ sins aencleeft en(de) van allen ande(re)n actien en(de) optichten die/ zij deen den ande(re)n tot desen daghe eysschen(de) mochten zijn/ der pointen ende condicien hier na verclaert die zij/ malcande(re)n gelooft hebben tot eeuwegen dagen tonderhoud(en)/ Te weten(e) inden yersten dat de vors(creven) otte den vors(creven) arnde/ gheven en(de) betalen sal achthien mudden rox der maten/ van lov(en) te weten(e) sesse mudden d(air) af te paesschen/ naestcomen(de) vi mudden d(air) af bynnen eenen jair dair/ na en(de) vi mudden dair af bynnen eenen jair dat d(air)/ na volgen sal en(de) te gheldenake leve(re)n den vorscr(even)/ arnde telken termijne als vervolghde schout Ende/ ter ande(r) zijden heeft de vors(creven) arnt de mont in desen gelooft/ te vervangen arnde de mont den jongen zijnen zone nu/ buyten lants zijnde dat hij den vors(creven) otten geloven sal/ van nu vortaen ny(m)mermeer aentespreken te moyen noch/ te vexeren va(n)der pechtingen vorg(eruert) [uut saken van e(n)nigen tra(n)sporte hem bij zijnen vad(er) vanden saken vors(creven) gedae(n)] noch van gheene(n) ande(re)n/ saken tot desen dage toe in gheenen rechte gheestelic noch/ weerlijc in gheend(er) manie(re)n ende den selven otten d(air) af behoir/ like quijtancie te doen hebben vand(en) selven zijne(n) sone oft va(n)/[dien ter vestich(eit)] voir den selven zijne(n) sone te setten eenen goeden weerliken/ borghe dair met de selve otte [weselic] te vreden sal mogen wesen/ en(de) niet eer en sal de vors(creven) [weselic] otte inde leveringe vanden/ vors(creven) xviii mudden rox ten t(er)mijne als voir gehouden/ sijn te doen de quitancie oft borchtocht en sal te voren/ gelic vors(creven) steet gedaen zijn Item tot desen sal noch de/ vors(creven) otte den vors(creven) arnde betalen voir div(er)se costen eenen(de)/ twintich stuvers bynne(n) viii dagen naestcomen(de) en(de) vijftiche/ vijthien stuv(er)s metter yerster payen vanden coren [vors(creven)] als v(er)reicte/ schout En(de) sullen mits desen de selve p(ar)tien van nu vort/ aen van malcande(re)n v(er)enicht en(de) beslicht blive(n) en(de) zijn tot/ eeuwegen dagen van allen saken tusschen [hen] tot desen daghe/ uutstaen(de) en(de) gesciet nove(m)[br(is)] xix