It(em) jacobus de muysen(en) vleeschouwere sone wilen henricx in/ yegenwordicheiden der scepen(en) van loven(en) gestaen heeft gegeven/ en(de) bekint dat hij gegeven heeft voir hem sijnen erven en(de) naco/ melingen henrico hanckart gorts sone clerc en(de) zijnen nacome/ lingen sijn woeninge [metten] huysen hove stallen schaelgien houthuyse(n)/solde(re)n hoysolders en(de) allen ande(re)n toebehorten gelegen inde scrijnst(ra)te/ te loven(en) tusschen den goeden anthonis van wechelen cruydeniers/ en(de) claus de costere ter eend(er) sijden en(de) thuys en(de) hof des selfs/ jacops dair naest gelegen dwelc de jouffr(ouwe) keyenoge nut(er)tijt/ in hueringen bewoent ter ande(r) zijden Strecken(de) den vors(creven) hoff/ tot achter aen thuys bertelmeeus wilen madea so v(er)re [gelijc] alle de/ selve goede aldair tusschen de vors(creven) reengenoten sijn gelegen/ en(de) [so verre] de vors(creven) jacop die met allen hue(re)n toebehorte(n) verscheiden/ en(de) onderslagen met thuynen en(de) and(er)sins vanden ande(re)n vors(creven)/ verhuerden goeden d(air) naest gelegen selve bewoende hadde? ende/ besadt opden xv[en] dach van novembri lestleden Item noch den/ erftoeganc nutscap en(de) gebruyc tot en(de) vanden borrenputte des/ vors(creven) jacops staende opt schaelgiken vanden vors(creven) ande(re)n verhuerde(r)/ erve des selfs jacops dair naest gelegen om dair op toe en(de)/ aen uut den vors(creven) uutgegeven(en) erve te gane van dair weder te/ keren en(de) also den selven erftoeganc nutscap en(de) gebruyc dair/ op aen en(de) toe te hebben dor tportken nu staende inden muer/ die staet tusschen de schaelgijkens van beide den erven vors(creven) en(de)/ alsoe vort op en(de) over tselve scaelgijken dair den selven putte op/ staet tot eeuwegen dagen sonder yemans wedersegghen erflic/ te houden en(de) te besitten op trecht dair van voe(r) uutgaen(de) te weten(e)/ twintich stuvers d(er) mu(n)ten ons gened(ichs) he(re)n ts(er)togen erflic ten/ behoirliken tijden te betalen tot eeuwegen dagen En(de) vortaen op/ sesse guld(en) peters d(er) mu(n)ten vors(creven) te xviii st(uvers) tstuc erflic alle jare/ tsint jansmesse baptisten te betalen en(de) inden wissel te loven(en) te/ leve(re)n den vors(creven) jacope van muysen(en) zijne(n) erve(n) en(de) nacome/ lingen tot eeuwegen dagen Dair af dierste betalinge vand(en)/ vors(creven) vi pet(er)s erflic yerst innegaen sal van sinte jansmesse/ baptisten naestcomen(de) over een jair en(de) niet eer Et sub hiis/ sat(isfacere) et war(andizare) d(i)c(t)us jacobus prout Et pot(erit) red(imere) d(i)c(t)us henricus p(re)d(ictos)/ vi peters aur(eos) hered(itarii) census q(ua)(do)cu(m)q(ue) vol(uerit) una vel pluribus
//
vicibus sed non minus una vice quam duos peters exin(de) una vice/ et que(m)lib(et) denar(ium) med(iantibus) xviii denar(iis) (con)similibus in valore p(re)d(icto)/ Actum hoeven vync decembris xviii