Allen den ghene(n) die dese l(ette)ren sele(n) sien oft hoire(n) lesen burg(er)meest(eren)/ scepen(en) en(de) raid der stad van loeven(en) saluit doen te wete(n) dat/ opde(n) dach datu(m) va(n) desen voir ons come(n) zijn in p(ro)pren p(er)sone/ jouffr(ouwe) marie koteremans weduwe jans wilen wijnricx ende jouffr(ouwe)/ katlijne hue(r) wettige dochter yerst uut der voirs(creven) huerre moeder/ brode met behoirliken manieren gedaen met consent en(de) bijstane/ jaspar en(de) golijns vand(er) to(m)me(n) gebruede(re)n maghe(n) en(de) vriende(n) d(er) voirs(creven)/ jouffr(ouwe) ka(tlij)[ne(n)] seggen(de) en(de) affirmeren(de) dat des na bescr(even) steet gesciet/ is te(n) meesten orboe(re) en(de) p(ro)ffite d(er) voirs(creven) jouffr(ouwe) ka(tlij)[ne(n)] En(de) hebbe(n)/ met hue(re)n mo(m)bore(n) geconstitueert gesedt volcome(n) macht p(ro)curacie/ en(de) auc(tori)teit gegeve(n) jannese vand(er) voirt henricx sone woenende/ te heyste alle en(de) yegewelke alsulke(n) saken questie(n) en(de) geschillen/ alse zij uutstaende hebben oft namaels hebben souden moege(n) jege(n)/ wat p(er)sone(n) oft voir wat gerichte gheestelijc oft weerlijc dat dat/ zijn oft gescien mochte(n) alle hue(r) jaergulde(n) [sculde(n)] opcomi(n)ge(n) rente(n) pachte(n)/ v(er)vallen goede beruerlijc ende onberuerlijc soe wair die inde(n) lande/ van brabant oft dair bute(n) gelege(n) moege oft bevonde(n) moegen/ werden hoedanich die zijn en(de) te wat plaetse(n) oft steden dat wese(n)/ mochte te verware(n) te mane(n) teysschen op te buere(n) en(de) tontfange(n)/ dair voe(r) te pande(n) te daghe(n) te beleyde(n) rastem(en)te doen leggen/ die met rechte texequere(n) te v(er)volge(n) In mel(iori) forma salvo iusto/ calculo aug(usti) quarta