Het zijn comen te rechte inde banc voir meye(r) en(de) scepen(en) van lov(enen)/ jan de witte sone wilen vranx aenleggere ter eend(er) zijden en(de) johannes/ vander eyken woenen(de) inde proofstdie van corby verweerde(r) in dande(re)/ aldair de vors(creven) jan de witte de seggen hoe dat hij eene langhe/ wile tijts gedinct hadde teghen jouffrouwe maghdalene lonijs/ weduwe diericx wilen van langrode en(de) gevolght inde banc/ van herent dair zij gesedt hadde te borghe den vors(creven) joha(n)nes/ die aldair voir de vors(creven) weduwe borghe bleven was tot den/ eynde vanden rechte en(de) om te voldoene alles ghens des/ gheens des recht uutwisen zoude renu(n)cie(re)nde tot dien der/ previlegien vander univ(er)siteit van lov(enen) en(de) alle vriheid(en) van/ zijnd(er) poirterien die hem ter contrarien zoude dien(en) in dese(n)/ en(de) dat de scepen(en) van herent van seke(re) handelinge en(de) gedinge/ also voir hen gehanteert mits dat zij der saken wijs noch/ vroet en wae(re)n alhier haelden zeke(re) hoetvonnissen ende/ die alsoe uuten hoode comen(de) in hue(r) banc uutwesen d(air)s/ hem de vors(creven) jan toegedroech Conclude(re)nde mits den segge(re)n/ dat de vors(creven) johannes gehouden soude zijn tgewijsde vand(en)/ vors(creven) vo(n)nisse te voldoen met gaders den costen inden voirs(creven)/ gedinge gedaen en(de) geschiet en(de) alle pointen in faite gelegen/ boot de vors(creven) jan te thoenen hopen(de) wair hijt gethoenen conste/ dat dan de vors(creven) johannes hem zijnen vors(creven) eysch gehouden/ soude zijn te voldoen Dair tegen de vors(creven) joh(ann)es hem oppo/ nerende dede seggen dat des leden mach zijn omtrint twee/ jair de vors(creven) jouffruwe maghdalene in aenlegger stat dinghde
//
inde banc te herent tegen henricke van wynge en(de) zijn medeplichte(r)s/ in verweerders stat dair hij der selver jouffr(ouwe) maghdalene borge/ was bleven dair zij protesteerde om den vors(creven) henricke van wynge/ en(de) zijn medeplichters te dwingen met rechte dat hij zijn/ ha(n)de lichten zoude van eenen hove te herent gelegen geheten/ van belsenake dat de vors(creven) henric en(de) zijn medeplegers aenvert/ hadden uut saken van eenen dagemente opt selve goet gedae(n)/ dat sij sustineerde met rechte geschiet te zijne v(er)suekende/ alsdoen bij vele reden(en) inde possessie der selver goede gehoude(n)/ te wezen Ende sij p(rese)nteerde die te verantwerden dair int/ recht tusschen de p(ar)tien vors(creven) zoe verre geprocedeert wert/ dat ten yersten daghe van thoenen tusschen hen dienen(de) elc/ sustineerde verweerde(r) te zijne Dair op uut den hoode/ geclaert wart met vo(n)nisse den vors(creven) scepen(en) van herent/ dat de vors(creven) jouffr(ouwe) maghdalene voir thonen zoude navol/ gende welcken vo(n)nisse proces en(de) handelinge zee(r) corts/ gecomen wae(re)n aende voirs(creven) scepen(en) van he(re)nt diverse sintbrieve/ van deser stat ten versueke des voirs(creven) henricx van wynge dair/ mede trecht vand(er) banc gescorst was en(de) vertogen also dat/ ten uutersten de vors(creven) henric van wynge na vele genechte(n)/ en(de) daghen achter bleef en(de) cesseerde van zijne(n) v(er)volg(en)/ Dair doen compareerde jan de clerck met eend(er) procuracien/ onder deser stat seghel gegeven die hem pijnde tvoirscr(even)/ gedinge te vue(re)n en(de) de worde na hem droech en(de)/ dat corts na desen comen wae(re)n geweest zeke(re) brieve(n)/ vanden raide m(ijns) gened(ichs) he(re)n uut vervolghe vanden/ vors(creven) janne de witte dair mede de sake uuter vors(creven)/ banc gheemvoieert wart voir den selven raide aldair/ de vors(creven) sake eene lange wile tijts hinc Bege(re)nde/ in onderstande van zijnen behulpe voir ogen gebracht/ te hebben alle alsulke brieve en(de) missive en(de) and(er) gescrifte(n)/ zij wae(re)n uut den vors(creven) raide m(ijns) gened(ichs) he(re)n oft anders/ ond(er) de scepen(en) van herent gegeven en(de) al noch rustende/ Seggen(de) vort dat hij begheerde gevisenteert te hebben
//
twee acten oft appointemente geschiet bijden vors(creven) raide m(ijns)/ gened(ichs) he(re)n dierste vand(er) daet xiiii[c] lxv decembris secunda/ getekent metten hantteken meester peters van tielt secret(aris)/ m(ijns) gened(ichs) he(re)n en(de) dand(er) vand(er) daet xiiii[c] lxv januarii xi da.?/ spreken(de) van des(er) materien oic getekent bij handen meester/ jans stoep secret(aris) des selfs ons gened(ichs) he(re)n en(de) dat de vors(creven)/ acten getekent zijn metten prope(re)n hantteken d(er) voirscr(even)/ secretar(is) gehouden zijn voir auctentuc? dair hijs hem toe/ gedroech Seggende dat den eysch die de voirs(creven) jan de/ witte den vors(creven) jannesse vand(er) eyken eysschen mach wa(r)e/dat dien quam spruyten(de) uut seke(re)n handelingen die bynnen/ drie oft vier maenden gewesen mochten zijn en(de) dat de/ vors(creven) joh(ann)es in gheender wijs borghe bleven en was ...?/ dat de vors(creven) jan de witte zijn rekeninge inde banc te/ herent gevolght hadde gedragen(de) hem des van allen/ pointen in feyte gelegen totter wairheit hopende ende/ conclude(re)nde wa(r)eir hij des vors(creven) steet gethoenen conste dat/ hij vanden eyssche des vors(creven) jans witten ongehouden sijn/ soude Wair op de he(re)n scepen(en) van loven(en) ter manessen smeyers/ ghewijst hebben voir een vonnisse dat de vors(creven) jan vander eyke(n)?/ gehouden sal zijn optelegghen en(de) te betalen de costen van rechte/ geschiet vanden daghe dat hij borghe bleef totten dage toe dat/ de sake getogen was voir den raide m(ijns) gened(ichs) he(re)n p(rese)ntib(us) scab(inis)/in scampno ende dair mede gestaen P(rese)ntib(us) o(mni)bus scabinis/ dempto hoeven aprilis x