Item vander questien die opverstaen en(de) geresen was tusschen/ janne le mandelir in deen zijde en(de) janne del porte poirte(r)/ der stat van loven(en) woenen(de) beide te fraisne in dandere alse/ van zeke(re)n costen en(de) lasten die zij malcande(re)n aengedaen/ hebben uut saken van dat de vors(creven) jan mandelir den vors(creven)/ poirte(r) metter stat brieve alhier bescreven hadde mits/ eenen ryns guld(en) die de vors(creven) mandelir den selven/ poirte(r) eysschen(de) was en(de) diede selve mandelir betaelt heeft/ zoe de poirte(r) bekinde janne du sart en(de) des d(air) aen cleven/ mach Hebben hen de selve p(ar)tien gesubmitteert ende/ verbonden in segge(re)n en(de) vriendelike effene(re)n te weten(e)/ de vors(creven) mandelir in woute(re)n van outgarden en(de) de/ vors(creven) poirte(r) in henricke zijnen sone Met vorwerden/ dat p(ar)tien [de seggers] informacie genomen hebben van p(ar)tien hue(r)/ uutsprake doen zullen tusschen dit en(de) sinxen(en) naestc(omende)/ P(ro)mitt(entes) ratu(m) en(de) oft p(ar)tie(n) segg(ere) gebrake dat zij in die/ stat ande(re) gelike sullen nemen berghe hoeven aprilis/ xvii