SAL7361, Act: R°116.1 (252 of 504)
Search Act
previous | next
Act R°116.1  
Act
Date: 1468-01-11

Transcription

2019-08-05 by myriam bols
Item henrick vanden scriecke van holsbeke heeft uuyt zijnen broede ghedaen in/
behoirlijcker manie(re)n jannen vanden scriecke zijnen sone tot des nae bescr(even) is dwelck/
gedaen zijnde de selve jan de sone heeft geloift tot behoef van heynke(n) zijne(n)/
brueder ende alle zijne suste(re)n ende voirt allen ande(re)n die dit aengaen namaels/
aengaen mach dat hij alle de goede leengoede hoedanich die zijn oft va(n) wien/
die gehouden werden die bliven sulle(n) nae ende vander doot des voirs(creven) henr(icx)/
henricx vanden scriecke zijns vaders ende marien van erboudegheem geheete(n)/
van rode zijnder moeder zijne(n) voirs(creven) brueder ende zuste(re)n ende hue(re)n hoire(n)/
hoeghelijck deyle(n) sal sonder voir hen eenich vordel dair inne te hebben/
oft te behoude(n) Dan alleene dat de voirs(creven) jan de gelove(r) ende heynke(n) zijn/
brueder vanden selve(n) leengoeden voe(r) uuyt sulle(n) hebbe(n) ende besitte(n) te gelijcke/
de leene die de voirs(creven) vader ende moeder opde(n) dach van heden houden/
van onsen gened(ichen) hee(re) den hertoghe sonder den suste(re)n eenich recht oft deel/
dair inne te hebbe(n) ende uuytgenome(n) oick die heerlich(eiden) totten selven leenen/
vanden prinche behoirende die sal alleen hebbe(n) de voirs(creven) jan de gelove(r)/
Geloven(de) tot orb(er) ende behoef vande(n) voirs(creven) zijne(n) brueder ende suste(re)n ende/
allen ande(re)n int(er)est namaels hebbende hier af ter manisse(n) alle/
behoirlijcke ende behoeven(de) vestich(eit) te doen voe(r) hof ende hee(re) d(air)men/
de voirs(creven) goede af mach houden ten coste vanden ghene(n) die de/
selve vestich(eit) sal van hem beghe(re)n ende dair toe hier af altijts/
ghenoech te doen ofter yet aen gebrake Et t(antu)m prout nethen(en) m(ar)cels/
januarii xi
ContributorsMi-Je Van Gils
Moderated byMi-Je Van Gils
Last update: 2016-07-05 by Jos Jonckheer