It(em) willem couwens meye(r) he(re)n wout(er)s van hamele ridders hee(re) tot/ moncheal ridders in p(rese)ncia heeft genomen ende bekint dat hij ge/ nomen heeft teghen den selven he(re)n woute(re)n thof des selfs he(re)n/ wout(er)s geleg(en) te zoerbeemde metten wynnen(de) lande(n) dair toe hoe(re)nde/ houden(de) tsame(n) omtri(n)t xxxiiii boender gelijc de vor en(de) alsoe v(er)re de/ vors(creven) her wouter die alsnu totten vors(creven) hove besitten(de) es ende oic/ metten bogarden beemden en(de) eeusselen [en(de) (½) boender broecx] oic totte(n) vors(creven) hove behoiren(de)/ alsoe v(er)re henric wijlen couwens die voirmaels metten vors(creven) hove/ in pechting(en) gehouden heeft Te houden te hebben en(de) te wy(n)nen/ van halfmerte naistcomen(de) eenen t(er)mijn van sesse ja(r)en vervolgen(de)/ elx jaers dae(re)nbynne(n) om de vo de vors(creven) wynnen(de) lande om en(de)/ voe(r) neghentich mudde(n) corens goet en(de) payabel wel bereyt met wa(n)ne/ en(de) vlogele pacht van zoerbeemde en(de) maten van thiene(n) oft alsulk(en)/ coren als opde vors(creven) goede wassen sal ende de beemde eeussele ende/ thalf boender broex om en(de) vore hondert en(de) twintich g(ri)pen te then/ thien stuv(er)s tstuc te weten tvoirs(creven) coren sint andriesmisse apostels/ en(de) de wey en(de) beemdehue(r) ts(in)te mertens [misse] te betale(n) en(de) tselve coren/ inde sale vand(en) vors(creven) hove leve(re)n mijne(n) vors(creven) he(re) jairlix den/ vors(creven) t(er)mijn due(re)nde quol(ibet) ass(ecutu)[m] ende de bogarde om en(de) voe(r) tderdel/ vand(en) vruchte(n) dair op jairlix wassen(de) It(em) es vorweerde en(de) ond(er)sprok(en)/ dat des vors(creven) steet niet wederstaen(de) de vors(creven) her wouter tsijns selfs/ woeni(n)gen nutschape en(de) gebruyke hebben en(de) behoude(n) sal sonder de(n)/ vors(creven) wy(n)ne e(n)nige sacht dair inne te hebben dove tgeheel overhof/ vand(en) vors(creven) hove metten p(er)tstalle hoystalle en(de) den nuwen stalle/ bened(en) It(em) oft e(n)ich ongeval dat god verbiede(n) moet quame op/ oft aende vors(creven) goede van teempeeste hagelslage oft volk van/ wapen(en) soe es vorweerde dat mijn he(re) vors(creven) den voirg(enoemde) wynne/ d(air) af behoirlijc cortsel rastoir en(de) afslach doen sal in redeliker/ manie(re)n en(de) gelijcmen op ande(re) plaetsen bove(n) en(de) bened(en) doen/ sal en(de) sculdich sal sijn te doene bij alsoe nochta(n) dat de selve/ wy(n)ne mijne(n) he(re) vors(creven) die schade bynne(n) xv daige(n) cundige(n)/ sal na datse gesciet sijn sal It(em) sal de vors(creven) wynne de vors(creven)
//
lande [jairlix] sijne(n) voirg(eruerde) t(er)mijn due(re)nde wynne(n) werve(n) en(de) meste(n) wel/ ende loflic gelijc reengenoete(n) bove(n) en(de) bened(en) ende die tsijne(n)/ afsceiden late(n) te wete(n) den wint(er)art houden(de) omtri(n)t x(½) boender/ met wynt(er)corne gewonne(n) ende besaeyt wel en(de) loflic [op vier getidege vore(n)] den somer/ art houden(de) omtri(n) xii boend(er) met stortten eens inde(n) meeste(n) deele/ geackert wel en(de) loflic ende de brake houden(de) omtri(n)t xii boend(er)/ half geackert It(em) sal de vors(creven) wynne jairlix sijne(n) vors(creven) t(er)mijn/ due(re)nde mote(n) een boender vand(en) vors(creven) landen redelic mergelen/ mair m(ijn) he(re) sal den mergel dair af betalen opde cuyle It(em) de/ vors(creven) wynne en sal gheen vand(en) vors(creven) goeden noch oic die thiende/ van heys heyls heyleshe(m) die hij hult nyeman(de) moige(n) uutgeve(n)/ van sijnder hant zonder mij(n)s he(re)n (con)sent het en ware de thiende/ van drie oft vier cleyn hoofkens aldair mair sal allet stroe/ vand(en) selven goeden en(de) thienden int vors(creven) hof te t geslete(n)/ en(de) te meste bekeert moige(n) [mote(n)] wordde(n) en(de) dat opde vors(creven) lande gevuert/ts alsoe wel ten veerste(n) alse te(n) naeste(n) tslants meeste(n) p(ro)fite/ It(em) sal de vors(creven) wynne jairlix den vors(creven) t(er)mijn due(re)nde zoeme(re)n/ en(de) wynte(re)n mijne(n) he(re) vors(creven) drie coeyen gelijc den sijne(n) drie coeyen/ den selve(n) m(ijn) he(re) toebehoren(de) It(em) sal de vors(creven) wynne alle de huyse/ vand(en) vors(creven) hove soe v(er)re die in sijnder sacht sijn houde(n) van/ wande en(de) dake zijne(n) vors(creven) t(er)mijn due(re)nde wel en(de) loflic en(de)/ gelijc hem die gelevert selen wordde(n) en(de) de selve alsoe tsijne(n)/ afsceide(n) te late(n) It(em) sal de wynne late(n) opt vors(creven) opde messie/ vand(en) vors(creven) hove late(n) loepen xxv cap(uynen) toebehoiren(de) den selve(n)/ he(re)n woute(re)n zond(er) voird(er) d(air) inne gelast te sijne It(em) sal de/ vors(creven) wynne jairlix doen m(ijn) vrouwen der werdy(n)ne(n) des/ vors(creven) he(re)n wout(er)s twee corweyden soe v(er)re alse tot luydic oft/ tot antwerpe(n) It(em) sal de vors(creven) wynne zijn berringhe ende/ heytsel aen en(de) op de vors(creven) goede moige(n) jairlix neme(n) ter/ mynst(er) schaden ende oft hij d(air) mede niet toeenquame noch/ genoech te berre(n) en hadde sal hij tgebrec d(air) af moge(n) halen/ en(de) neme(n) aen en(de) op de bossche(n) mij(n)s he(re)n vors(creven) Behalve(n) dat
//
de selve wynne tot sijnd(er) berring(en) behoef oic sal mote(n) jairlix/ inneleggen en(de) vercrijge(n) [en(de) bernen] twee voeder steencolen ende oft hij/ des niet en dade soe sal hij in behulpe van sijnder vors(creven) b(er)ringe(n)/ voir de selve twee [elc] voed(er) colen op sijne(n) cost inneleggen en(de) berne(n)/ een half duysent houts It(em) en sal de voirs(creven) wynne zijnen/ vors(creven) t(er)mijn due(re)nde niet moige(n) hoervruchte(n) inde brake dan/(½) boend(er) oft drie sillen ten hoochste(n) It(em) alle de v(er)droochde/ boome s opde vors(creven) goede sal de vors(creven) wynne hebben en(de)/ afhouwe(n) tot sijnd(er) vors(creven) berring(en) behoif en(de) voir elken der/ selver verdroichd(er) boome(n) plante(n) en(de) sette(n) twee leven(de) pote(n)/ vand(en) selven arde ende voirt alle de pote(n) comen(de) en(de)/ vallen(de) vand(en) lueke opde vors(creven) goede gewasse(n) soe v(er)re die/ e(n)nichsins d(air) toe doeghe(n) oft p(ro)fitelic sijn sal de vors(creven) wynne/ sette(n) en(de) plante(n) op de vors(creven) goede ten meeste(n) p(ro)fite It(em) sal/ de vors(creven) wy(n)ne open(en) alle de wat(er)loepe aende beemde alsoe/ dat va(n) noode sijn sal ende de strate(n) g en(de) grechte(n) houde(n)/ aende selve beemde(n) en(de) lande als alsoe dat behoirt En(de)/ alle dese vorwerd(en) cor(am) roela(n)ts mercels febr(uarii) xiii