Item daer in rechte quamen voer meye(r) en(de) scepen(en) van loeven(en)/ jan vander hulst als geleid met scepen(en) brieve(n) van loeven(en) totte(n)/ goede(n) peters ty(m)merma(n)s ende katlijne(n) vanden wolputte zijns/ wijfs ter eender zijden ende henric wouters behuwede sone/ des vors(creven) pet(er)s ty(m)merma(n)s in dande(re) Ende daer de vors(creven) geleidde/ zijn beleid gelesen zijnde versocht gehoude(n) te wordde(n) inde/ erfgoede h(ier) onder gecleert oft datmen hem opleyde en(de) betaelde/ oft cuelde van tgene daer hij voe(r) den vors(creven) pete(re)n ty(m)merma(n)s/ te laste stonde met e(n)nige(n) sijne(n) mede gesellen en(de) des hij dorste
//
houde(n) ende v(er)clae(re)n met sijnd(er) eedt Soe opponeerde hem hier/ tegen de vors(creven) henric wouters en(de) boot te bewijsen dat hij inde/ vors(creven) goede gegoidt en(de) gegicht was ende seyde voirt waer/ peter ty(m)merma(n)s hem oft sijne(n) mede geselle(n) yet sculdich/ soe stonde hij daer voer ooge(n) inde banc en(de) sij mochte(n) hem/ aenspreken en(de) al mochte(n) zij e(n)nich gebrec aende(n) vors(creven) pet(ere)n/ ty(m)merma(n)s allige(re)n ende dat zij sijne(n) live niet volge(n) en souden/zij mochte(n) soe en soude(n) zij nochta(n) bewijsen de schout ende/ tgebrec dat zij aende(n) vors(creven) pete(re)n hebben mochte(n) en(de) dat dat/ zijn schout ware ende wes sij d(aer) af geh gegoude(n) hadde(n) en(de)/ dat hijse dair af gelooft hadde te ontheffen Vand(en) welke(n)/ die vors(creven) geleidde sustineerde de (con)trarie en(de) seyde al mocht/ de vors(creven) henric wout(er)s gegoidt sijn inde goede voe(r)ger(uert) soe/ wa(r)e dat gesciet nae sijne(n) beleide en(de) en conde hem gheen/ ontstade gedoen oec meynde hij dat sij sijn gebrec niet voird(er)/ bewijsen en soude derven dan met sijnder eedt houde(n) op/ sijn scepen(en) brieve(n) voe(r) genoemt Hier op wart gewijst bijde(n)/ he(re)n scepen(en) van loven(en) ter maniss(en) smeyers dat sij beg(er)den/ de gebreke des vors(creven) jans vander hulst gecleert te hebben/ ende d(aer)entinden recht cor(am) eisdem