Allen den ghene(n) dien dese l(ette)ren gethoent selen worden burg(er)m(ees)t(er)en/ scepen(en) ende raet der stad van loeven(en) saluit met kinnessen der w(aer)h(eit)/ doen cond en(de) te wete(n) dat opde(n) dach van hede(n) datu(m) van desen/ voir ons comen is in p(ro)pren p(er)sone jan loenijs sone wilen jans en(de) heeft/ geconstituert gesedt volcomen macht p(ro)curacie en(de) auc(tori)teyt gegeve(n)/ janne laureys hughe(n) van udekem ende willem(me) van schore oft den/ eene(n) van hen bringe(r) sbriefs Alle alsulke(n) saken questie(n) en(de) gescille(n)/ als de selve jan loenijs uutstaende heeft oft namaels hebben/ soude moegen voir wat gerichte gheestelijc oft weerlijc dat dat/ zijn oft gescien mochte alle zijn jaergulden opcominge(n) en(de) v(er)valle(n)/ alle zijn goede beruerlike en(de) onbuerlike chijsen rente(n) pachte(n)/ als hij heeft oft namaels hem vallen selen inden lande va(n) brab(ant)/ oft dair buyte(n) te wat plaetse(n) dat zij in e(n)niger manieren Te/ verwaren te mane(n) teysscen op te bueren ende tontfange(n) jege(n) oft/ aen wat p(er)sone dat dat zijn mach dair voe(r) te panden te dage(n)/ te beleyden rasteme(n)te te doen legge(n) die met rechte texeq(ue)re(n) te/ v(er)volgen ende te vorde(re)n alle scepen(en) brieve met rechte te vo(n)nissen/ ende vorderinge dair af te neme(n) ende te doen na costume en(de)/ gewoenten ende usagien vanden plaetsen dair dat behoire(n) sal oft/ behoeve(n) soude moege(n) Ende ofts noot geboirde voir alle richte(re)n/ gheestelijc en(de) weerlic met rechte zijn sake(n) te conteste(re)n te decli/ neren texipiere(n) te reco(n)veniere(n) te v(er)antwerden te bescudden te/ bedinge(n) palinge sceydinge en(de) deylinge dair en(de) alsoe dat behoirt/ teysscen te doen en(de) te versueken alle gescriften ende libellen/ over te geven ende te neme(n) te replice(re)n te duplice(re)n (et)e(tera) alsoe wel/ int p(ri)ncipael als int accesseur alsoe dicwile en(de) menichwerve(n)/ als des te doen sal zijn getugen met rechte te versueken be/ dwongen te werden tot huerre deposicie(n) die te leyden der/ wederp(ar)tien getuge(n) te zien zweren die te batteren hue(r) depo/ sicien te wederleggen alsoe dicwile en(de) menichwerve(n) alst behoire(n)/ en(de) behoeve(n) sal allet des voirscr(even) steet alsoe wel donberuerlike/ goede chise rente(n) pachte(n) voirg(eruert) als anders met rechte te/ wynnen te verliesen de saken bij beroepe oft appellacien te/ moegen vervolgen de vo(n)nissen van dien en(de) allen ande(re)n des voirs(creven)/ jans loenijs constitucie(n) aengaende alsoe wale int(er)locutoire alse/ diffinitive te verwachten tgewijsde te v(er)volge(n) en(de) te doen exeq(ue)ren
//
composicie en(de) minlike yffeni(n)ge van al des voirscr(even) is te maken/ den sculders van des zij oft e(n)nich van hen ontfange(n) selen te/ q(ui)teren ende volcome(n) quitancie te gheve(n) En(de) voirt alle des voirs(creven)/ jans goede beruerlijc en(de) onberuerlijc chijse rinte(n) en(de) pachten/ hoedanich die zijn in al oft in deele te v(er)pachte(n) te ha(n)tplichte(n)/ te verhueren en(de) met jaerschare(n) uut te geven en(de) allet te(n) meeste(n)/ orboe(r) ende proffite des voirs(creven) jans loenijs en(de) d(air) af alle behoirlike/ ende behoeflike vestich(eiden) ende zeker(heiden) te doene Ende voirtaen ge/ neralijc en(de) specialijc dair inne te doen en(de) te vorde(re)n allet des de/ selve jan loenijs doen en(de) vorde(re)n soude moege(n) waert dat hij/ telker tijt en(de) plaetsen jegewoirdich en(de) voir oege(n) ware En(de) soe/ wes bij den eene(n) des voirs(creven) p(ro)cur(eur)s in e(n)nich des voirscr(even) steet/ begonnen oft innegesteke(n) sal werden van rechtvorderingen oft/ anders dat dat dande(re) van hen sal oft selen moege(n) middele(n)/ volynden vorts vordere(n) laten compose(re)n oft v(er)volge(n) sond(er) yemants/ wederseggen Geloven(de) voir ons in goeden trouwe(n) de voirs(creven)/ jan loenijs op dobligacie ende verbintenisse van alle(n) zijne(n) goeden/ jegewoird(ich) en(de) toecomen(de) vercrege(n) ende te v(er)crigen(e) beruerlijc/ ende onberuerlijc hoedanich die zijn wair die belege(n) zijn oft/ bevonde(n) moege(n) werden goet vast gestentich onv(er)brekelijc/ en(de) van weerden te houden tot ewige(n) daghe(n) allet des bijde(n)/ selve(n) p(ro)cur(eur)s oft den eene(n) van hen bringe(r) va(n) desen in des/ voirscr(even) steet e(n)nichssins gedaen gep(ro)cureert en(de) gevord(er)t/ sal werden Behalve(n) dat de voirs(creven) p(ro)cur(eur)s en(de) elc van hen/ de(n) voirs(creven) janne loenijs sculdich selen zijn va(n) desen huere(n)/ bewynde altijt tsijnre manisse(n) goede rekeni(n)ge besceyt en(de)/ en(de) bewijsenisse te doene also d(air) toe behoirt en(de) algader/ sond(er) argelist des torconden sept(embris) t(er)cia