It(em) goirt hanckart en(de) goird de cuype(re) metse(r) in p(rese)ncia hebbe(n) v(er)huert/ ende bekint dat verhuert te hebben te wete(n) de vors(creven) goird hanckart/ als mo(m)boir pet(er)kens ende grietkens wettig(er) kinde(re) reyners wilen/ boschman cuyp(er)s en(de) de vors(creven) goird de cuype(re) van sijns selfs ende/ zijns wijfs wegen lodewijke loots van he(re)ntals en(de) lijsbette(n)/ sijne(n) wive een hofstad mett(er) plaetse(n) houden(de) omtri(n)t iiii roiden/ gelic dat beleg(en) es opde(n) steenwech buyte(n) der borchporte(n) tege(n)/ tdrincwat(er) over aen tshe(re)n strate neve(n) den goide(n) vranx van/ dieve(n) Te houde(n) te hebben ende te besitte(n) also langhe alse/ beide de selve gehuyssce(n) leve(n) sele(n) en(de) de lestleven(de) van hen/ leve(n) sal elx jairs d(air)enbynne(n) om en(de) voe(r) thien stuvers/ mo(ne)[te] alle ja(r)e te kers(mis)s(e) te betalen en(de) te loven(en) te leve(re)n te/ wete(n) de twee deel d(air) af den vors(creven) goirde hanckart ende/ tderdel goirde den cuype(re) quol(ibet) ass(ecutu)[m] dair af dierste betali(n)ge/ sijn sal nu te kersmisse naestcomen(de) Met vorweerden dat/ de vors(creven) gehuyssce(n) den vors(creven) t(er)mijn due(re)nde de vors(creven) goide/ houden selen in goiden state en(de) rep(ar)acien ten mynste(n) also/ wel oft bat dan die nu staen ende bij hen gerep(ar)eert sijn/ ende oic wel ende loflijc houden soe vele vreets als/ zij nu aldair oic verhaven ende gemaict hebben ende/ die goede als alsoe laten sond(er) argelist It(em) [en] selen oic de vors(creven)/ gehuyssce(n) tselve goet niet moige(n) voirt uutgeve(n) noch v(er)hue(re)n/ yeman(de) and(er)s van hue(re)r hant sond(er) wille en(de) (con)sent des vors(creven)/ goirts en(de) goirts ende d(air) Ende ofter van des(er) hue(ri)ngen/ e(n)nigen last oft schade vand(er) stat wegen quame dat de/ vors(creven) gehuyssce(n) den vors(creven) goirde en(de) goirde d(air) af schadeloes/ en(de) costeloes ontheffen en(de) onts ontlaste(n) selen cor(am) roel(ants) ty(m)ple no(vembris) xxiiii