It(em) jan vanden peyne van moelenbeke heeft gelooft op lantssoene/ willem(me) zwaus voir de zoene van henr(ic) zwaus zijne(n) brued(er)/ bij den voirs(creven) janne en(de) zijne(n) hulpe(re)n van live ter doot bracht eenen/ wech te doen te romen derwert te porren binnen xii weke(n) naest/ comende en(de) als hij van dair comen sal zijn eene(n) wech tsintjacops/ in galissien derwert te porre(n) binne(n) sesse weken en(de) i wech te/ rutsemaduwe binne(n) sesse weke(n) insgel(ijcx) te porren na dat hij vand(er)/ tweester bedev(ar)t come(n) sal zijn en(de) van elker goede waerheyt te/ bringe(n) na der stad recht oft zijne(n) goede(n) moet te hebben cor(am) col(en)/ m(ar)cels ap(ri)lis xiiii