It(em) wantmen zeder der come(n)scap vanden voirs(creven) goede(n) bij pete(re)n beyart tegen/ die voirs(creven) gebruede(re)n gecocht daer vorweerde was dat de selve goede o(m)beco(m)mert/ leen waren en(de) dat hem die daer op bij den selven gebruede(re)n gewarandeert/ souden wordde(n) bevonden heeft dat uuten voirs(creven) goede(n) gaet tvoirscr(even)/ coppelgelt ende de selve lasten vand(en) coppelgelde int vors(creven) waerscap/ mits dien alsnu gesedt es sijn Soe es dat gesciet te dier meyni(n)gen ende/ op vueghe ende (con)dicie datmen die lasten ende oic alle ande(re) hoedanich/ die wa(r)en dieme(n) alnoch bevi(n)den mochte uute(n) vors(creven) goede(n) gaen(de) oft dair/ af sculdich te wesen geheelic en(de) al aende pe(n)ninge die de vors(creven) peter/ vand(en) coepe der vors(creven) goede sculdich es cortten sal ter erflich(eit) sonder/ argelist oft tgheen des dair meer uut gaen dan mochte dan tcoppelgelt/ vors(creven) mach de vors(creven) peter beyart op dat hem gelieft met sijnder waerscap/ vors(creven) verhalven verhalen met gaders allet ghene des anders in sijn gelufte/ van waerschape en(de) genoechdoene vors(creven) begrepe(n) steet cor(am) eisd(em)