Allen den ghenen die desse l(ette)ren selen sien oft hoiren lesen burg(er)/ meeste(re)n scepen(en) en(de) rade der stad van loeven(e) salut doen cond/ allen liede(n) dat opden dach datu(m) van desen voir ons comen is/ in p(ro)pren p(er)sone jouff(rouwe) katlijne de pont weduwe willems wile(n)/ vanden vekene die rintmeester was ons liefs gened(ichs) he(re)n tsh(er)toge(n)/ saliger gedachte(n) tot gheldenake(n) ende heeft geconstitueert gesedt/ volcomen macht p(ro)curacie en(de) auc(tori)teyt gegeve(n) balthasar de vos/ hueren clerc voir de he(re)n vander rekencame(re)n ons voirs(creven) gened(ichs)/ he(re)n te bruessel residerende te doen ende te passe(re)n de leste rekeni(n)ge/ des voirs(creven) wilen willems van allen den goeden en(de) rente(n) des voirg(enoemde)/ ons gened(ichs) he(re)en soe v(er)re die opgebeurt gehaven ende ontf(angen) zijn/ geweest bijden voirs(creven) rintmeester ende tsijnre rekeni(n)gen behoirden/ beghi(n)nende opden yerste(n) dach va(n) octobri int jaer xiiii[c] lxvi en(de)/ eyndende den vii[te(n)] dach van febr(uari) in tselve jaer gelijt en(de) alsoe/ dat behoire(n) sal behoirlike quitancie ende descharge dair af in/ name ende orboe(r) der voirs(creven) jouffr(ouwe) ka(tlij)[ne(n)] te neme(n) en(de) tontfane/ ende generalijc ende specialijc dair inne te doen ende te vordere(n)/ des de voirs(creven) jouffr(ouwe) katlijne oft wilen hue(r) man livich zij(n)de dair/ inne doen ende vorderen souden moege(n) oft zij jegewordich ende/ voir oegen ware(n) Gelovende voir ons in goeden trouwen de selve/ jouffr(ouwe) katlijne op de verbintenisse va(n) alle(n) hue(re)n goede(n) jeg(ewordich) en(de)/ toecomen(de) v(er)crege(n) en(de) te v(er)crigen beruerlijc en(de) onberuerlijc/ hoedanich die zijn wair die belege(n) zijn oft bevonde(n) moege(n)/ werden goet vast gestentich onv(er)brekelijc en(de) van weerden/ te houde(n) tot ewige(n) dagen allet des bijde(n) selve(n) p(ro)cu(r)e(ur) in des/ voirs(creven) steet e(n)nichsins gedaen gep(ronun)ciert? en(de) gevordert sal werde(n)/ Behoud(en) dat de selve balthasar d(er) voirs(creven) jouffr(ouwe) katlijne(n)/ sculdich sal zijn te huerre manisse(n) va(n) dese(n) goet besceyt/ ende bewijs te doene also d(air) toebehoirt en(de) algad(er) sonder/ argelist des torconde aug(usti) xxii