Allen den ghenen die dese l(ette)ren sullen zien oft horen lesen/ burgermeeste(re)n scepen(en) en(de) raide d(er) stat van loven(en) saluyt/ doen cont en(de) te weten dat opden dach datum van desen voir/ ons come(n) is mees her jan gardijn canonc der kercken van sinte/ peters te loven(en) en(de) heeft geconstitueert volcomen macht/ procuracie en(de) auctoriteit gegeven jacope hozen met rechte/ te vervolghen alsulken schout als willem haverlets [geheten vander ghote(n)] den/ vors(creven) he(re)n janne gelooft heeft voir wet te diest Ende/ vortaen alle en(de) yegewelcke ande(re) saken questien en(de)/ gescillen die hij opden dach van heden te diest en(de) elswair/ inden lande van brabant uutstaende heeft alle des selfs
//
he(re)n jans jairgulde opcomingen en(de) vervallen te manen teyssche(n)/ opteboren en(de) tontfangen tegen en(de) aen wat p(er)sone dat dat/ zij oft gerisen mochte dair voir te panden te dagen/ te beleiden rastemente te doen leiden die met rechte texeque(re)n/ te vervolgen en(de) te vorde(re)n alle scepen(en) brieve(n) met rechte te/ vo(n)nissen en(de) vorderinge d(air) af te neme(n) en(de) te doen na/ costume en(de) gewoente vand(er) plaetsen d(air) dat behoeven/ soude mogen En(de) oft noot geborde voir alle richte(re)n/ gheestelic en(de) weerlic met rechte zijn saken te (con)teste(re)n/ te decline(re)n te excipie(re)n te r(e)co(n)venie(re)n te verantweerden/ te bescudden te bedingen te wynne(n) en(de) te verliesen Ende/ vortaen generalic en(de) specialic allet ghene d(air) inne/ te doen en(de) te vorde(re)n des de selve h(er) jan selve soude/ mogen doen telker tijt oft hij tegenwordich en(de) voir/ ogen wa(r)e Geloven(de) voir ons in goeden truwen de vors(creven)/ h(er) jan opde verbintenesse van allen sijnen goeden beruerlic/ en(de) omberuerlic tegenwordich en(de) toecomen(de) goet vast/ gestentich en(de) van weerden te houden allet ghene des/ bijden vors(creven) p(ro)cur(eur)s in desen gedaen en(de) gevord(er)t sal worden/ in e(n)niger manie(re)n behoudelic dat de vors(creven) jacop/ gehouden sal zijn van zijnen vors(creven) bewinde goede rekeni(n)ge/ bewijs en(de) betalinge te doen aug(usti) ultima