Item hebben de voirs(creven) p(ar)tien malcande(re)n gelooft en(de) toegeseeght/ dat zij tusschen dit en(de) sinte meertensmesse naestcomen(de) oft ii/ dagen d(air) na ombegrepen alhier comen zullen te loven(en) om/ deen den ande(ren) te voldoene vand(er) coepmantscap vanden/ hove vors(creven) gelegen te rillair dat de vors(creven) cornelis tegen/ den vors(creven) janne gecocht heeft boven den ouder co(m)mer/ dair van voir uutgaende om en(de) voir ix[c] r(ijnse) guld(en) te xx st(uvers)/ tstuc En(de) zoe wanneer de selve jan met sijnen wijve den/ voirs(creven) cornelise vanden vors(creven) goeden na inhouden des chyrografs/ d(air) af zijnde behoirlike vestich(eit) en(de) warantscap voir scepen(en) va(n)/ loven(en) sal hebben gedaen zoe sal de selve cornelis als dan/ ter stont den vors(creven) janne betalen deen helicht vand(er) overbaten/den ouden co(m)mer en(de) de vors(creven) xxvii r(ijnse) gul(den) en(de) de rente die/ de vors(creven) cornelis na inhout des vors(creven) chyrograefs [op hem nemen moet] afgetoge(n)/ en(de) dand(er) helicht dair af tsint jansmesse baptisten d(air)na/ v(er)volgen(de) Van welker payen de selve cornelis gelooft heeft/al voir en(de) eer hij de vestich(eit) en(de) guedinge vorg(eruert) aenverde(n)/ sal den vors(creven) janne goede loflike vestich(eit) te setten voir wet/ te bruessel cor(am) eisd(em)