Item jan van quaderebbe sone wilen wouters die beclaeght en(de) v(er)gicht/ is van janne clissen zijnen swagher heeft gelooft tegen den/ selven janne des vermaent te rechte te comen voir meye(r) en(de)/ scepen(en) van loven(en) en(de) dair te bliven tot den eynde uut en(de) te voldoen/ des vonnislic over hem gewesen sal worden van des de voirs(creven)/ jan hem bethiden(e) mach zijn van haefliker actien en(de) van/ sculden Hier af is borghe jan vand(er) beke henricx sone woenen(de)/ te quarebbe et p(ri)m(us) mits desen sal bliven berusten(de) den wech/ tsint eeuwouts in elseten die de vors(creven) jan clissen vo(n)nisslijc/ op hem gewonnen heeft en(de) oic de voirs(creven) ghichtinge tot dat/ de vors(creven) beclaeghde voldaen sal hebben des zijn swager/ over hem sal connen gewijnnen en(de) des heeft hij ontslagen/ alsulken perde en(de) coren als de vors(creven) clissen hadde doen rasteren/ nethen(en) m(ar)cels januarii xxiii