Allen den ghene(n) die dese l(ette)ren selen sien oft hoiren lese(n)/ burg(er)meeste(re)n scepen(en) en(de) raet der stad van loeven(en) doen cond/ en(de) te wete(n) dat opden dach van heden datu(m) van desen voir ons/ come(n) is in p(ro)pren p(er)sone her conrard vander meere(n) doctoir in/ beyden rechte(n) ridder en(de) heeft geconstituert gesedt volcomen/ macht p(ro)curacie en(de) auc(tori)teyt gegeve(n) janne vande(n) boome zijne(n)/ dienere alle en(de) yegewelke sijn saken questien ende geschille(n)/ die hij op den dach van heden uutstaende heeft oft namaels/ uutstaende soude moegen hebben voir wat gerichte gheestelijc/ oft weerlijc dat dat zijn oft gescien soude moegen Alle des voirs(creven)/ he(re)n conrarts jaerghulden opcomingen ende v(er)vallen goede ber(uerlijc)/ en(de) onberuerlijc chisen rente(n) erfpachte(n) als de selve her conrart/ heeft oft hem namaels vallen selen inden lande va(n) brabant oft/ dair buyten dair hij die uutstaende heeft en(de) men he(m) namaels/ sculdich selen sal moege(n) werden Te verwaren te manen teyssche(n)/ opte buere(n) en(de) tontfangen jege(n) oft aen wat p(er)sone dat zijn mach/ dair voe(r) te panden te daghen te beleyde(n) rasteme(n)te te doen legge(n)/ die met rechte texequere(n) te vervolgen en(de) te vorde(re)n alle scep(enen)/ br(ieve) met rechte te vo(n)nissen en(de) vorderinge d(air) af te nemen en(de)/ te doene na costume gewoente(n) ende usagien vanden plaetsen/ dair dat behoiren sal oft behoeve(n) soude moegen Ende ofts/ noot geboirde voir alle richte(re)n gheestelijc en(de) weerlijc met/ rechte zijn sake(n) te (con)teste(re)n te declinere(n) texcipiere(n) te reco(n)veniere(n)/ te verantwerden te bescudden te bedingen alle gescrifte(n) ende/ libelle(n) ov(er) te gheve(n) ende te neme(n) te replice(re)n te duplice(re)n (et)c(etera)/ alsoe wel int p(ri)ncipael als int accessoir alsoe dicwile ende/ menichwerve(n) als des te doen zijn sal getugen met rechte te/ v(er)sueken bedwonge(n) te werden tot huerre deposicie(n) die te leyde(n)/ der wed(er)p(ar)tien getuge(n) te zien zwere(n) die te battere(n) huer/ deposicie(n) te wed(er)leggen alsoe dicwile en(de) menichwerve(n)/ alst behoire(n) en(de) behoeven sal Allet des voirscr(even) steet also/ wel donberuerlike goede chijsen rente(n) pachte(n) voirg(eruert) als/ anders met rechte te wynnen te v(er)liesen de sake(n) bij beroepe/ oft appellacie(n) te moege(n) v(er)volge(n) de vo(n)nisse(n) va(n) dien en(de) alle(n)
//
ande(re)n des voirs(creven) h(ere)n coenrarts vand(er) meere(n) constitucie(n) aengaende alsoe/ wale int(er)locutoire als diffinitive te verwachte(n) tgewijsde te v(er)volge(n) en(de)/ te doen exequere(n) composicie en(de) mynlike yffeni(n)ge va(n) al des voirs(creven)/ is te make(n) de(n) sculders va(n) des hij ontfaen sal te quite(re)n en(de)/ volcome(n) quitancie te gheve(n) En(de) voirt alle des vors(creven) h(er) coenrarts/ goede beruerlijc en(de) onberuerlijc chijse rente(n) pachten hoedanich/ die zijn in al oft in deele te v(er)pachte(n) te hantplichte(n) te v(er)huere(n)/ en(de) met jaerschare(n) uut te gheve(n) en(de) allet te(n) meesten orboe(r)/ en(de) p(ro)fite des selfs h(ere)n conrarts en(de) d(air) af alle behoirlike ende be/ hoeflike vestich(eiden) en(de) zekerheyde(n) te doene Ende voirtaen gene/ ralijc en(de) specialijc d(air) inne te doene en(de) te vorde(re)n allet des/ bij de(n) voirs(creven) h(ere)n conrarde gedaen en(de) gevordert soude moege(n)/ werden waert dat hij telker tijt en(de) plaetsen jegewoirdich/ en(de) voir oeghen ware Ende dat de selve jan vande(n) boome voirt/ in al des voirscr(even) steet en(de) in elc besund(er) eene(n) oft meer substitue(re)n/ sal moege(n) va(n) zijnre hant alst he(m) gelieft om dair inne te doene/ ende te vordere(n) alle tgene des bijde(n) voirs(creven) p(ro)cur(eur) midts dese(n)/ e(n)nichssins gedaen oft gevordert soude moege(n) werden en(de)/ darenbove(n) dat de voirs(creven) jan vande(n) boome he(m) vande(n) voirs(creven) sake(n)/ en(de) des d(air) aen cleeft tot zijnre geliefte(n) metter wed(er)p(ar)tie(n) sal/ moege(n) (com)p(ro)mitte(re)n En(de) soe wes hij de(n) eene(n) vande(n) voirs(creven) p(ro)cur(eur)/ oft gesubstituerden in e(n)nich va(n) des voirscr(even) steet bego(n)ne(n) oft inne/ gesteke(n) sal werde(n) va(n) rechtvorderinge(n) oft and(er)s dat dande(re) va(n)/ hen dat sal oft selen voirts vordere(n) middele(n) volynde(n) late(n)/(com)pone(re)n en(de) v(er)volge(n) sond(er) yema(n)ts wed(er)segge(n) Geloven(de) voir/ ons in goeden trouwe(n) de voirs(creven) h(er) coenrart op de v(er)bintenisse/ va(n) alle(n) zijne(n) goede(n) jegewoirdige en(de) toecomen(de) v(er)cregen en(de) te/ v(er)crige(n) beruerlijc en(de) onberuerlijc hoedanich die zijn wair/ die belege(n) oft hoe die genoemt moege(n) zijn goet vast geste(n)tich/ en(de) onv(er)brekelijc te houden tot ewige(n) dage(n) voir he(m) zijn erve(n)/ en(de) nacomelinge(n) allet tghene des bijde(n) voirs(creven) p(ro)cur(eur) oft de(n) gesubsti/ tuerde(n) oft e(n)nige(n) va(n) hen bringe(r) sbriefs in des voirs(creven) steet e(n)nich/ sins gedaen en(de) gevordert sal werde(n) Behoudelijc dien
//
dat de voirs(creven) procur(eur) oft gesubstitueerde ende elc van hen den/ voirs(creven) he(re)n conrarde van hue(re)n bewinde sculdich selen zijn/ ter manissen desselfs he(re)n conrarts altoes goede rekeni(n)gen/ ende bewijs te doene alsoe dair toebehoirt des/ torconden (et)c(etera) julii xi