Allen den ghene(n) dien dese l(ette)ren gethoent sele(n) worde(n) borg(er)meeste(re)n/ scepen(en) ende raet der stat van loven(en) saluyt doen cont ende/ ende te weten dat opden dach van heden datu(m) van desen voir
//
ons come(n) is in p(ro)pe(re)n p(er)sone jan van nethen(en) geheete(n) vande(n) royele wonen(de)/ te loven(en) ende heeft geconstitueert gesedt volcome(n) macht p(ro)cu(r)acie/ ende auc(tori)teyt gegeve(n) roelofve vander elst arnde(n) oliviers en(de) wille(m)/ van lele ende elke(n) bezundert ad revo(ca)c(i)o(n)em Alle en(de) yegewelke zij(n)/ sake(n) questie(n) en(de) gescille(n) als de voirs(creven) jan uuytstaende heeft/ oft namaels hebbe(n) soude moege(n) tege(n) wat p(er)sone oft voir wat/ gherichte gheestelijck oft weerlijck dat dat zijn oft geschie(n) mochte/ alle zijn jaergulde(n) sculde(n) opcomi(n)gen rinte(n) pachte(n) p(ro)ffijte(n) v(er)vallen/ goede beruerlijck ende omberuerlijck waer die inde(n) lande va(n) brabant/ oft daer buyte(n) geleg(en) zijn hoedanich die zijn ende te wat plaetse(n)/ oft steden dat dat wese(n) mochte in eenigher manie(re)n Te v(er)ware(n)/ te mane(n) teysschen optebue(re)n ende tontfangen dair voe(r) te panden/ te dage(n) te beleyden rasteme(n)te te doen legge(n) (et)c(etera) ut in p(re)cede(n)ti late(re)/ in meliori for(ma) p(ro)mitt(ens) ratu(m) Salvo iusto calculo m(ar)cii ultima