Item vanden gedinghe dat voir meye(r) en(de) scepen(en) van lov(enen) geweest/ is tusschen janne en(de) willem(me) lobbe gebruede sone arnts wilen lobbe/ aenleggers in deen zijde en(de) ghisbrechte lobbe hue(re)n brued(er) v(er)weerde(r)/ in dande(re) dair de vors(creven) aenlegge(re)n aenspraken seggende dat zij/ begherden deylinghe en(de) scheidinge te hebben vanden omberuerlike/ goeden achter den vors(creven) wilen arnde gebleven bynnen loven(en) en(de) der/ vrijheit en(de) elders gelegen en(de) dat zij dair toe niet en hadden/ connen gecomen hoe menich werven zij des [den] vors(creven) ghijsbrechte/ hadden versocht om dwelc zij den vors(creven) ghijsbrechte hue(re)n brueder/ hadden doen houden en(de) in hachten doen bege(re)nde noch totter vors(creven)/ deylingen te mogen comen want hij hem pijnde vort te houden/ seke(re) goede die den vors(creven) wilen arnde hue(re)n vader toebehoirde(n)/ en(de) voirder dan hij dair inne naden lantrechte gericht wa(r)e/ Dair op de vors(creven) ghijsbrecht hem verantweerde dede segghen/ dat hij hoopte der vors(creven) aenspraken ongehouden te zijne want/ hij en hadde gheene goede gehadt noch aenvert bynnen d(er) stat/ oft vrijheit gelegen en(de) wair wel te vreden die goede te deylen/ met hen en(de) den ande(re)n d(air) toebehoe(re)nde mair seide dat e(n)nige/ vanden goeden gebleven na hue(re)n vader oft die hij gehouden/ hadde gelegen wa(r)en onder tvo(n)nisse van mechelen en(de) som/ onder tvo(n)nisse van vale inde welcke hij meynde alleene/ gericht te wesen mits testamente van wilen ghijsbrechte(n)/ lobbe hue(re)n oem dair af de voirs(creven) ghijsbrecht thoende zeke(re)/ instrumente(n) d(air) op gemaect also hij seide seggende zoe v(er)re/ zijn vors(creven) brued(ere)n d(air) inne e(n)nich deylinge oft recht wouden oft/ meynd(en) te hebben dat zij dan dat sochten en(de) vervolghd(en)/ inde bancken en(de) hoven dair onder de selve goede gelegen/ wa(r)en hij woude hem d(air) af te rechte keren met meer/ reden(en) in beyde den zijden gealligeert Soe hebben de/ scepen(en) van loven(en) ter manessen smeyers gewijst voir een/ vo(n)nisse dat de vorg(enoemde) ghijsbrecht gehouden zijn sal te v(er)stane/ en(de) hem te gheven met zijnen vors(creven) bruede(re)n en(de) ande(re)n d(air)/ toe behoe(re)nde totter deylingen vanden goeden ond(er) de stat/ en(de) den hoetvonnisse van loven(en) ghelegen ende oft zijn vors(creven)/ bruede(re)n vanden ande(re)n goeden e(n)nich gebrec hebben dat/ zij dat vervolgen mogen inde bencken dair zij ond(er) gelege(n)/ zijn P(rese)ntibus roelants col(en) mercels ouderogge aug(usti) viii