Item meester augustijn van nethen(en) gheheten vanden roele renu(n)/ cie(re)nde tot des na bescreven is der p(ri)vilegien vander universiteit van/ loven(en) en(de) jouffruwe vriendeline van nethen(en) zijn nichte weduwe/ ottens wilen van cuyct geheten van hoeghstraten in p(rese)ncia hebben/ gekint ende gelijt oppembairlic dat jan van wynxele te hue(re)n
//
beheete betaelt heeft lodewijcke pynnoc hee(re) van velpen meye(r)/ van loven(en) de so(m)me van achten(de)sestich r(ijnse) guld(en) te xx st(uvers) tstuc/ in myndernessen en(de) afslaghe vanden pe(n)ningen die de voirs(creven) jan/ van wynxele sculdich was vanden coepe vanden goeden en(de)/ renten he(re)n wout(er)s van nethen(en) geheten vanden royele/ ridders te doirne gelegen en(de) die de selve jan tegen den vors(creven)/ meest(er) augustine en(de) jouffr(uwe) vriendeline van nethen(en) gecocht/ heeft als vander erfrenten van vieren(de)dertich r(ijnse) guld(en)/ tsjars die nu de voirs(creven) leste twee ja(r)en den vors(creven) lodewike/ gevallen zijn en(de) gebreken vanden goeden vand(en) royele Geloven(de)/ dat de selve so(m)me van lxviii r(ijnse) gul(den) den selven janne/ inde rekeni(n)ge en(de) betalinge der vors(creven) gecochter goeden/ gecort sullen werden tymple m(ar)cels aprilis p(ri)ma