Allen den ghene(n) die dese l(ette)ren selen sien oft hoire(n) lesen burg(er)m(eeste)ren/ scepen(en) ende raid der stad va(n) loeven(en) saluit doen te wete(n) dat/ opden dach van heden datu(m) van desen voir ons comen zijn in p(ro)pren/ p(er)sone thomas de lavalle woenen(de) te berghen opden zoom en(de) anth(onis)/ pycholeti als gemechticht met zekere(n) p(ro)cu(ra)cien van jouff(rouwe) magriete(n)/ de natis weduwe daneels wilen boba woenen(de) te lu inden lande va(n)/ monsera Hebben uut machte der selver p(ro)cu(ra)cie(n) geconstituert geset/ volcomen macht p(ro)cu(ra)cie en(de) auc(tori)teyt gegeve(n) gielise aroens ende/ willem(me) van leefdale oft den eene(n) van hen bringe(r) sbriefs te mane(n)/ teysschen op te buere(n) te heffen en(de) tontfangen alsulken acht(er)stellige/ lijftochtrinte van xv loeven(se) pet(er)s alse her henric wile(n) va(n) waelhain/ hee(re) del val ende van viler le p(er)wijn ridder jan wilen van vertrike/ woenende te loeven(en) inde sterre godfroit wilen van daules hee(re)/ van lijsmeel ende van gentines jan wilen van hemptines hee(re)/ van wandegnies daneel wilen vanden waerde hee(re) van court/ saint estiene vanden eygene(n) en(de) va(n) m(er)beke robbert wilen del/ bars van chamont jan vander karnieren de jonge zwagh(er) des/ voirs(creven) wilen he(re)n henricx van waelhain ende gillis wilen del mosseme(re)/ woenen(de) inde hoolstrate den voirs(creven) wilen daneel tachter ende/ sculdich bleven zijn van welke lijftochtrinte seke(re) scepen(en) brieve van/ loeven(en) zijn vander daten m(ar)cii p(en)ult(ima) a(n)no xxxiiii Dair voe(r) te pande(n)/ te dagen te beleyden rastemente te doen leggen die met r(e)chte/ texequere(n) te v(er)volgen ende te vorderen de selve scepen(en) brieve te/ vo(n)issen en(de) vorderinge van rechte dair af te nemen en(de) te doene/ na costume gewoenten en(de) usagien va(n) rechte dair dat behoere(n)/ ende behoeven soude moegen Ende ofts noot geboirde voir alle/richt behoirlike richtere(n) met rechte dese sake te (con)teste(re)n te decline(re)n/ texcipiere(n) te reco(n)veniere(n) te v(er)antwerden te bescudden te bedingen/ alle gescriften ende libellen ov(er) te geve(n) en(de) te nemen te replice(re)n/ te duplicere(n) (et)c(etera) also wel int principael als int accesseur alsoe dicwile/ en(de) menichwerve(n) als des te doen zijn sal dese sake(n) te wynne(n) en(de)/ te verliesen de vo(n)nissen des(er) voirs(creven) (con)stitucien aengaende alsoe wale/ int(er)locutoire als diffinitive te verwachten tgewijsde te v(er)volghen/ en(de) de te doen exeq(ue)ren composicie ende mynlike yffeni(n)ge van/ des voirscr(even) is te maken den sculders van des zij oft e(n)nich va(n)/ hen ontfangen slen te q(ui)teren ende volcomen quitan(cie) te gheven/ Ende voirtaen g(e)n(er)alijc ende specialijc dair inne te doen en(de) te
//
vorde(re)n allet des de voirs(creven) (con)stituente selve doen en(de) vordere(n) souden/ moegen waert dat zij telker tijt ende plaetsen jegenwoirdich en(de)/ voir oegen ware(n) Ende soe wes bij den eene(n) der voirs(creven) p(ro)cur(eur)s/ in e(n)nich van des voirscr(even) steet begonne(n) oft innegesteken sal/ werden van rechtvorderingen oft anders dat dat dande(re) van/ hen sal moege(n) middelen volynden voirts vorde(re)n late(n) compone(re)n/ oft v(er)volgen sonder yemants wedersegge(n) Geloven(de) voir ons/ in goeden trouwen de voirs(creven) thomas en(de) anthonis (con)stituente/ op de verbintenisse va(n) allen hue(re)n goede(n) jeg(enwoirdich) en(de) toecome(nde) ver/ crege(n) en(de) te v(er)crigen beruerlijc en(de) onber(uerlijc) hoedanich die zijn/ waer die belege(n) zijn oft bevonde(n) mochte(n) worden goet/ vast gestentich onv(er)brekelijc en(de) va(n) weerde(n) te houden tewige(n)/ daghen allet des bij de(n) voirs(creven) p(ro)cur(eur)s oft den eene(n) va(n) hen/ bringe(r) va(n) desen in des voirs(creven) steet e(n)nichssins gedaen/ gep(ro)cureert oft gevordert sal werden ap(ri)lis vi[ta]