Cont zij eenen yegeliken dat comen zijn voir ons scepen(en)/ onder gescreven de edele en(de) vermogen(de) he(re)n her henric/ van hoirne here tot p(er)weys (et)c(etera) her jan here te berghen opden/ zoem en(de) de eerbae(re) en(de) voirsienighe lodewijc roelofs nu ter/ scepen(en) te loven(en) en(de) arnoldus kyp pensionaris d(er) selver stat/ als segge(re)n arbiters en(de) vrientlike yffene(re)n bijden edelen en(de)/ mogen(de) he(re)n he(re)n jacope greve van zalmen here tot/ rotselair (et)c(etera) ter eender en(de) he(re)n janne van rotselair/ ridde(r) sone wilen he(re)n jans hee(r) tot rotselair en(de) te vorsselair/(et)c(etera) ter ande(r) zijden voir scepen(en) van loven(en) gecore(n)/ en(de) genomen op hue(r) gescille die tusschen hen opverresen/ wae(re)n opde pointe hier na bescreven ende des dair aen/ cleven mach en(de) allen ande(re)n gescillen tusschen hen totten/ daghe toe van heden uutstaende Inden yersten alse/ vanden vijftich ryns guld(en) erfliker renten te kersmesse/ vallende met gaders den achterstelle der selver rente(n)/ totten dage toe van heden verschenen Welcke renten/ jonch(e)r anthonis van rotselair gegoedt en(de) besedt heeft/ vruwe lijsbetten van hoirne weduwe des vors(creven) wilen/ he(re)n jans hee(r) te rotselair aen en(de) op de heerlich(eit) en(de)/ lande van rotselair Van welcken renten de voirscr(even)/ vruwe lijsbeth hue(r) recht vercocht en(de) overgegeve(n) / heeft den vors(creven) he(re)n janne van rotselair hue(re)n sone/ Item als vander so(m)men van vi[c] ryns guld(en) eens/ de welcke de vors(creven) her jan van rotselair meynde dat/ de vors(creven) her jacop greve te salmen hem sculdich wae(r)/ te betalen welcke so(m)me hij meynde dat hem gebrack/ van achterstelligen renten vortijts verloopen op/ dlant van vorsselair en(de) van rethy Ende hebben/ de selve segge(re)n hier af in tijts en(de) in uuren na/ inhout vanden compromisse en(de) auctoriteit hen vand(en)/ vors(creven) p(ar)tien ghegeven en(de) verleent hue(r) eendrechtige uutsprake gedaen en(de) gepronu(n)cieert en(de) uutgesproken
//
inder manie(re)n hier na volgen(de) Inden yersten alse vanden/ vijftich ryns guld(en) erfliker renten vors(creven) es hue(r) uutsp(ra)ke/ dat die erfrente en(de) de proffiten der selver den vors(creven)/ he(re)n janne van rotselair en(de) sijnen wettigen oren en(de)/ erfgenamen erflic volgen volgen zullen en(de) dat de/ vestich(eit) die van dien gedaen is van weerden is en(de)/ van weerden bliven sal en(de) dat de vors(creven) he(r) jacop greve/ van salmen sal bekynnen voir stathulde(r) en(de) manne(n) ons/ gened(ichs) he(re)n ts(er)togen van bourg(oignen) en(de) van brabant de/ vesticheiden consente en(de) guedinghen den vors(creven) wilen/ hee(r) van rotselair bij wilen he(re)n symone greve en(de)/ zijnder vruwen grevi(n)nen van salmen gedaen En(de)/ desgelix de vesticheiden dair af geschiet bijden here/ van rotselair jonch(e)r anthonise van rotsselair en(de) oic die/ vesticheiden bijden selven jonch(e)r anthonise gedaen/ vruwe lijsbetten van hoirne ende die guedingen/ bijder selver vruwe lijsbetten gedaen den voirs(creven) he(re)n/ janne van rotselair hue(re)n zone en(de) des dair uut/ gesproten is van weerden gheschiet te zijne/ en(de) die selve approberen en(de) geloven dair teghen/ ny(m)mermeer te doen bij hen selven oft yemant and(er)s/ in gheender manie(re)n It(em) alse vanden acht(er)stelle/ der selver vijftich r(yns) gul(den) voir desen dach verlopen/ en(de) verschenen es hue(r) uutsprake dat de/ vors(creven) her jacop greve te salmen betalen sal den/ vors(creven) he(re)n janne van rotselair vijftich ryns guld(en)/ verschenen te kersmesse lestleden ende mits/ reden(en) dair toe dienen(de) vanden ande(re)n achterstelle/ ongehouden en(de) ongelast bliven It(em) alse vanden/ vors(creven) seshondert r(yns) gul(den) eens is hue(r) uutsprake/ dat de vors(creven) greve van salmen van dien ongehouden/ sal zijn en(de) dair af quijt en(de) los bliven ende dat/ de vors(creven) her jan van rotselair den selven greve dair
//
af quitancie doen sal in behoirliker formen onder zijnen segel/ Item es vort hue(r) uutsprake dat de vors(creven) her jacop greve/ te salmen van allen resten en(de) ombetaelden renten die her/ jan van rotselair heeft op dlant van rotselair en(de) [opde] renten/ van diest den selven greve toebehoe(re)nde den selven/ he(re)n janne van rotselair cuelen en(de) betalen sal also dat/ den selven he(re)n janne niet en behoeve opde pande te/ procede(re)n ende also dat de selve her jan des/ te vreden sal zijn Ende mits desen sullen de/ vors(creven) p(ar)tien vanden vors(creven) gescille en(de) alle ande(re)n/ gescillen gebreken ende eysschingghe die [sij] deen/ totten ande(re)n souden mogen doen totten daghe toe/ van heden veryffent beslicht en(de) veraccordeert zijn/ en(de) bliven tot eeuwegen daghen Reserverende de/ selve segge(re)n tot henwert om alle d[t]wistlinghe en(de)/ donckerheit die hier inne in toecomende tijden/ gevallen oft geboren soud(en) mogen te vercleren also/ dicwille en(de) menichwerven als dat gebue(re)n soude/ mogen Gelovende de vors(creven) p(ar)tien allet ghene des/ voirs(creven) steet voir hen en(de) hue(re)n nacomelingen vast/ en(de) gestentich te houden en(de) te voldoene gelic vors(creven)/ steet zonder dair tegen te comen oft te doen bij/ hen selven oft bij yemant anders in e(n)niger manie(re)n/ in nacomende tijden melder vos m(ar)tii prima