Item henric de rijke sone wijlen raes woenen(de) te he(re)nt in p(rese)ncia heeft/ genomen ende bekint dat hij genome(n) heeft van m(ijnre) vrouwen en(de) (con)vente/ des godshuys vand(er) banc ten bijsijne vand(en) mombo(r)en desselfs de p(ar)tien/ van goeden hier nae bescrev(en) die de vors(creven) wijlen raes zijn vader vader/ vand(en) vors(creven) godshuyse te houden plach al gelegen inde prochie van he(re)nt/ Te wete(n) inden yerste(n) een boender en(de) (½) dach(mael) lants geleg(en) opde(n) breemt/ aenden molenwech tusscen den heiligeest van s(in)[t] jacops opde biest te loeven(e)/ ter eender sijden en(de) janne vand(er) heiden metse(r) te loven(e) ter ande(r) Item/ een dach(mael) lants op tselve velt geleg(en) aende donckerstrate tussce(n) willem(me)/ de witte ende janne vanden doirne Item noch (½) boender lants aldaer/ bove(n) de loevensche strate gelegen tusscen goessen(en) luyx en(de) pete(re)n vranx It(em)/ noch een dach(mael) lants geleg(en) bove(n) den poetken tusscen de goede jacops/ wilen blanckart in beiden sijden Item (½) boender lants geleg(en) bove(n) de/ tomstrate tusscen henricke vander huelt ende arnde barts Item noch/ een half boender lants bove(n) den reywech geleg(en) tusscen de goede/[vacat] Item noch xxv roeden lants geleg(en)/ neve(n) den keyserberch tusscen den molenwech ende den heyligheest van/ he(re)nt Te houde(n) te hebben en(de) te wynne(n) van halfmerte lestled(en) eene(n) t(er)mijn/ van xii jae(re)n lanc due(re)nde elx jairs dae(re)nbynne(n) om en(de) voe(r) zesse mudde(n)/ en(de) thien mol(evate) rox goet en(de) payabel wel bereit met wa(n)ne en(de) vederen/ loven(sche) maten jairlix sint andriesmisse apostels te betalen en(de) te loeven(e)/ in mer vrouwen herberge oft daer huer dat aldair gelieve(n) sal te leve(re)n/ den vors(creven) t(er)mijn due(re)nde quol(ibet) ass(ecutu)[m] Item sal de vors(creven) wynne de vors(creven)/ lande jairlix sijne(n) t(er)mijn due(re)nde de wynne(n) werve(n) en(de) mesten wel/ en(de) loflic gelijc reengenote(n) bove(n) en(de) bened(en) ende die late(n) tsijne(n) afsceiden
//
alsoe hij die aenveert te weten (½) boender lants bove(n) de loevensche strate/ ende xxv roeden aenden keyserberch met rogghen besaeyt tvorscr(even)/ boender thalf dach(mael) en(de) tdachmael opde breemt en(de) i dach(mael) aende/ poetken(en) gestort eens o(m)megedaen ende dander twee half boende(r)/ brake geheel Ende alle dese vorweerd(en) cor(am) berthem vos m(ar)tii xx