Allen den ghenen (et)c(etera) doen cond en(de) te weten dat opden dach van hede(n)/ datum van desen voir ons comen es in p(ro)pe(re)n p(er)soene gabriel offus/ woenen(de) te bruessele ende heeft geconstitueert gesedt volcome(n) macht/ p(ro)cu(ra)cie en(de) auctoriteyt gegeven janne vander eycken proefst der he(re)n/ van corby alle en(de) yegewelke zijn saken questien en(de) gescillen die hij/ alsnu uutstaen(de) heeft oft namaels hebben mochte ende voirt alle en(de)/ yegewelke zijn jairgulden sculden opcomi(n)gen p(ro)fite(n) v(er)vallen goeden/ beruerlijc en(de) omberuerlijc chijsen rinten erffpachten en(de) allen and(ere)n/ toebehoirte(n) die de selve gabriel heeft en(de) dieme(n) hem alsnu sculdich/ es oft naemaels wesen zal oft die hij tegewoirdichlic heeft oft he(m)/ naemaels toecome(n) valle(n) en(de) verschijne(n) selen moigen inde(n) lande van/ brabant oft d(air) buyten [tegen oft] aen wat p(er)soenen oft van wat goede(n) dat het/ zij Te verwae(re)n te v(er)volgen te vorde(re)n te mane(n) teysschen op te/ bue(re)n te ontfange(n) d(air) voe(r) te pande(n) te dagen te beleid(en) rastem(en)te/ te doen leggen die met rechte texeque(re)n alle scepen(en) brieve met/ rechte te vo(n)niss(en) en(de) vorderinge(n) d(air) af te neme(n) en(de) te doen al na costu(m)e/ en(de) gewoente vand(en) plaetse(n) dairs te doen wae(re) oft behoeve(n) mochte/ Ende ofts noot gebuerde voir alle gerichte(n) geestelijc en(de) weerlic/ met rechte zijn saken (et)c(etera) te (con)teste(re)n te decline(re)n (et)c(etera) Allet des/ vors(creven) steet alsoe wel domberuerlike goede chijse rinte(n) erfpachte(n) vors(creven)/ als and(er)s met rechte te wynne(n) en(de) te verliesen (et)c(etera) c(om)ponen(di) et q(ui)tan(ciam)/ dan(di) Alle de vors(creven) chij goede chijse rinte(n) en(de) erfpachte(n) te hante(re)n te/ gebruyken te hantplichten te v(er)pachte(n) te v(er)hue(re)n en(de) met jaerschare(n)/ uut te gheve(n) [al] ten meest(n) orbe(r) en(de) p(ro)fite des vors(creven) gabriels g(e)n(er)alit(er)q(ue)/ et specialit(er) o(mn)ia (et) sing(ula) face(re) p(ro)mitt(ens) rat(um) sub obligac(i)o(n)e (et) ypo(thec)[a]/ salvo iusto calculo decembr(is) xiii