Vander questien die geweest is voir de(n) rade vand(er) stadt tussche(n)/ willem(me) lobbe heyssche(r) aen deen zijde ja(n)nen arnde(n) en(de) ghijsbr(echten)/ lobbe zijne(n) bruede(re)n verweerde(re)n ter ande(re) Ald(air) de voirs(creven) willem/ hyesch en(de) versocht opgeleeght en(de) bet(aelt) te hebben(e) div(er)se costen/ die hij verleet en(de) bet(aelt) hadde Inden yerste(n) xxxii st(uvers) die de/ voirs(creven) wille(m) verleet hadde inde settinge en(de) deylinge vand(en)/ goede(n) gebleve(n) nae der voirs(creven) gebruede(re)n vaders doot dair af/ de voirs(creven) willem p(rese)nteerde tvierdegedeelte te corten(e) en(de) alsoe/ resten en(de) gebreke(n) hem xxiiii stuv(er)s seggen(de) dat de selve/ zijn drie brueders gelooft en(de) toegeseecht hadde(n) die he(m) te/ hulpe(n) drage(n) d(air) af hij hen deylde den eedt Op dwelc de voirs(creven)/ jan ond(er) dande(r) reden(en) van zijne(n) verantwerd(en) seide en(de) ontkinde/ de voirs(creven) geluefte mair p(rese)nteerde d(air) af zijne(n) eedt dat hij de(n)/ voirs(creven) willem(me) zijne(n) brued(er) niet toegeseecht en hadde Is/ get(er)mineert dat jan gestaen sal mett(er) eedt die hij gep(rese)nteert/ heeft Item als vand(en) costen geschiet int gedinge tussche(n)/ den voirs(creven) willem(me) en(de) de voirs(creven) zijn iii brueders tegen/ roelofve lombart hue(re)n swagher dair af de voirs(creven) willem/ beg(er)de restitucie vand(en) selve(n) zijne(n) iii brueders en(de) ierst/ ov(er)mits dat de voirs(creven) roelof sustineerde dat hij als momboir/ zijns wijfs de joncste wae(r) en(de) dat he(m) alsoe de deylinge en(de)/ settinge toebehoirde d(air) af de voirs(creven) gebruede(re)n de contrarie/ hielde(n) Vand(en) welcke(n) de voirs(creven) willem alleene verleeght
//
heeft aen voirspreke getuygen sintbrieve wijn van officie(re)n/ en(de) ande(re)n stucken gedragen(de) ter so(m)men van xxi(½) stu(vers) bege(re)nde/ dair af restitucie van elcke(n) der voirs(creven) gebruede(re)n hue(r) advena(n)t/ deylende insgelijcx hen den eedt Dair tege(n) de voirs(creven) jan/ seyde dat hij inder selver sake(n) oick verleet hadde ald(er)hande/ costen die he(m) tafslage sculd(ich) wae(re)n te come(n) Wert get(er)mineert/ dat soe verre des voirs(creven) jans verlegge(n) min gedroege vand(en)/ geheele(n) costen bij hen beyden verleet dat hij dan vand(en)/ gebreke willem(me) zijn aengedeelte opleggen sal Item/ seyde voirt de voirs(creven) willem dat hij bij ov(er)geven(en) van zijne(n)/ voirs(creven) bruede(re)n en(de) suste(re)n en(de) hue(re)n momboe(re)n maicte en(de) sette/ een generale deylinge tussche(n) de voirs(creven) iiii gebruede(re)n d(air)/ inne den voirs(creven) ii gesuste(re)n en(de) hue(re)n momboe(re)n geres(er)veert wae(re)n/ d(air) o(m)me de voirs(creven) wille(m) met ii ande(r) p(er)sone(n) besich was/ iiii dage int ov(er)slaen d(er) rekeni(n)ge en(de) tgelijke(n) der voirs(creven) goede/ en(de) oic om te weten(e) de gelegentheit vand(en) weerde(n) en(de) lasten d(er)/ selv(er) goede en(de) vand(en) bescriven(en) te meer stonden voir dwelcke hij/ seyde verleet te hebben(e) bij consente vand(en) voirs(creven) zijne(n) iii ande(re)n/ bruede(re)n xxxvi stuv(er)s dair af hij hen deylde den eedt Dair tege(n)/ de voirs(creven) jan genoech ov(er)gaff en(de) willecoirde zijn aengedeelte te/ betale(n) soe verre de voirs(creven) willem den eedt deylde dair aff/ deylde behalve(n) vi stuv(er)s die hij seyde betailt te hebben(e) aen/ henr(ic) hanckart Is insgelijcx get(er)mineert dat soe verre/ willem zijne(n) eedt doet dat hem de voirs(creven) zijn brued(er)s de/ voirs(creven) sake(n) geconsenteert hebbe(n) soe sal de voirs(creven) jan zijn/ aengedeelte d(air) af ghelde(n) behalve(n) dat de vi stuv(er)s opde/ so(m)me gerekent sulle(n) wordde(n) op dat henr(ic) hanckart der/ betaling(en) gesceet oft jan voirs(creven) den eedt doet Item aldair/ wille(m) restitucie beg(er)t vand(er) helicht vand(en) x mudd(en) corens/ die de(n) voirs(creven) ja(n)ne geleidt zijn geweest uut handen gielijs/ daenens gehete(n) de wijng(ar)de(r) wynne ind(en) hove te kelfst/ d(air) af seke(r) geluefte(n) gedae(n) wae(re)n alsoe hij seyde int jair xiiii[c]/ lxvii iiii dage in januar(ii) en(de) hen beyde(n) gesamender hant/ geschiedde dair toe hem de voirs(creven) willem gedroech Dair/ tege(n) de voirs(creven) jan hielt de contrarie seggen(de) dat hij hoopte/ dat de geluefte alsoe niet geschiet en wae(r) gedragen(de) hem/ insgelijcx tot der selver Was get(er)mineert en(de) uutgesproken/ datme(n) de(n) voirs(creven) brieff visite(re)n en(de) aenhoe(re)n sal en(de) alsoe/ verre me(n) die(n) bevint spreken(de) alsoe de voirs(creven) jan seeght/ soe sal de voirs(creven) jan dair af zijne(n) eedt doen soe verre wille(m)/ niet thoene(n) en wilt dat de betali(n)ge nae der vorweerde(n)/ ind(en) selve(n) brieve beg(re)pe(n) geschiedde Item als vand(en) costen/ die wille(m) voirs(creven) en(de) jan zijn brued(er) samentlijc uutgeleet/ hebbe(n) inde(n) name van he(n) selve(n) arnde en(de) ghijsbr(echte) hue(re)n
//
bruede(re)n o(m)me te wed(er)leggen(e) en(de) af te doen(e) alsulke(n) vervolch als de/ selve arnd en(de) ghijsbrecht hue(re)n bruede(re)n o(m)me te wed(er)leggen(e) en(de)/

af te doen(e) alsulke(n) vervolch als de selve arnd en(de) ghijsbr(echt) gedaen/ hadden voir tgeestelijck gerichte van luydic op hue(re)r ouders goede/ gelijc dat de selve jan and(er)wijle(n) die hadde doen teeken(en) d(air) af de/ voirs(creven) willem hem den eedt deylde dair op de voirs(creven) jan seyde dat/ hij insgelijcx verleet hadde meer ande(r) costen en(de) lasten Soe was/ voirt get(er)mineert soe verre men bevonde dat des voirs(creven) jans/ verlegge(n) meer gedroege dan zijn aengedeelte dat hij dan va(n) willem(me)/ e(n)nige restitucie te doen(e) ongehoude(n) sal zijn Item als vand(en)/ vi rijnsch guld(en) en(de) ii stuv(er)s die de voirs(creven) willem seyde v(er)leet/ te hebben(e) vand(en) leengoede(n) inde naeste reyse va(n) vranckrijke/ die he(m) doen ierst te lote oft kose gebleve(n) wae(re)n vand(en) welcke(n)/ hij noyt p(ro)ffit gehat en hadde mair de voirs(creven) jan hadde die/ selve getoge(n) en(de) alsoe hoepte hij dat he(m) de voirs(creven) jan dair af/ richti(n)ge doen soude en(de) die sculdich wae(r) te restitue(re)n Wert/ get(er)mineert dat de voirs(creven) jan vand(en) heyssche der voirs(creven) vi/ rijnsch guld(en) ongehoud(en) soude zijn act(um) in pleno consilio/ maii xxvi