Allen den ghene(n) die dese l(ette)ren selen sien oft hoire(n) lesen burg(er)meeste(re)n scepen(en)/ en(de) raid der stat van loven(en) saluyt Doen cont en(de) te weten dat opde(n) dach/ van heden datum van desen voir ons comen zijn in prope(re)n p(er)soene(n)/ magriete rixens van oirbeke en(de) lijsbeth robbijns na(tur)lijke dochter der selv(er)/ magrieten die zij heeft van joh(ann)es robbijns ende hebben met hue(re)n gelev(er)den/ momboe(re)n geconstitueert gesedt volcomen macht p(ro)curacie en(de) auctoriteit/ gegeven janne van oekele barbier woenen(de) te loeven alsulken twee/ mudden harts corens pachts van cu(m)ptich en(de) maten van thiene(n) alse die/selve jairlijke(r) lijfpen(sien) alse de selve moeder en(de) hue(r) dochter met scepen(en)/ brieven van thiene(n) vand(er) daet xiiii[c] liii ix daige in meye houden(de) en(de)/ hebben(de) sijn aen en(de) op eene(n) beemt gelegen inden bruel onder de p(ro)chie/ van cu(m)ptich toebehoiren(de) den vors(creven) joh(ann)ese houden(de) vi dach(mael) oft d(air) omtri(n)t/ der mate(n) van cu(m)ptich tusschen de goede alite(n) van ha(n)nut en(de) de goede joh(ann)is/ robbijns wilen henrix sone Te manen te eysschen op te bue(re)n te
//
ontfanghen dair voe(r) te pande(n) te daghen te beleid(en) rastemente/ te doen legghen en(de) alle execucie [vervolch] en(de) vorderinge van rechte d(air)/ voe(r) te doene al na costu(m)e en(de) gewoente vand(en) plaetsen d(air)/ des behoeve(n) sal moigen en(de) tegen en(de) aen alle p(er)soene(n) daer des/ van noode wae(re) Ende op dats noot gebuerde voir alle gerichte(n)/ daers te doen mocht sijn met rechte des voirs(creven) steet ende/ alle saken questien en(de) gescillen d(air) uut rijsen(de) te (con)teste(re)n te/ decline(re)n texcipie(re)n te re(con)venie(re)n te v(er)antweerd(en) te bescudde(n) te/ bedingen te wynne(n) te v(er)liese(n) alle gescriften en(de) libelle(n) over te/ geve(n) en(de) te neme(n) te replice(re)n te duplice(re)n (et)c(etera) alsoe wael int/ p(ri)ncipael als int accessoir alsoe dicwijle en(de) menichwerve(n) als/ des te doen sijn sal getuygen met rechte v(er)sueke(n) bedwong(en)/ te wordde(n) tot hue(re)r deposicien die te leide(n) der wed(er)p(ar)tie(n) getuygen/ te sien swee(re)n die te batte(re)n hue(r) deposicien te wederlegg(en) alsoe/ dicwile en(de) menichwerve(n) alst behoe(re)n en(de) behoeve(n) sal die saken/ bij beroepe oft appellacien te mog(en) v(er)volge(n) de vo(n)niss(en) va(n) dien/ en(de) allen ande(re)n der vors(creven) (con)stitucie(n) aengaen(de) alsoe wale int(er)locutore/ als diffinitive te verwachte(n) tgewijsde ve vervolg(en) en(de) te doen/ exeque(re)n composicie en(de) mynlike yffeni(n)ge van al des vors(creven) es/ te mak(en) den sculders van des hij ontfang(en) sal te q(ui)te(re)n en(de)/ volcome(n) quitan(cie) te gheve(n) ende voirtane g(e)n(er)alic en(de) specialic/(et)c(etera) Promitt(ens) rat(um) sub obliga(ti)[o(n)e] et ypotheca o(mn)i(u)m et sing(u)lor(um)/ suor(um) bonor(um) mobiliu(m) et immo(biliu)[m] p(rese)nciu(m) et fut(ur)or(um) totu(m) et q(uid)quid/ salvo iusto calculo julii penult(im)[a]