Item vanden stoote die is tusschen marien van e(re)nboudegem/ weduwe henricx wilen vanden scrieke ter eender zijde/ en(de) gorde van e(re)nboudeghem brueder der vors(creven) marien ter/ ande(re) alse vanden goeden en(de) verschenen(en) renten beid(en)
//
voir die doot en(de) na joh(ann)es wilen van e(re)nboudeghem geheten/ van rode hue(re)r beider brued(er) die zonder die sonder wettige/ geborte van deser werelt gescheiden is en(de) des dien aencleeft/ hebben hen de vors(creven) p(ar)tien gesubmitteert en(de) verbonden in segge(re)n/ en(de) vriendelike effene(re)n Te weten(e) de vors(creven) marie in ja(n)ne vand(en)/ borchoven en(de) rase zijnen zone en(de) de vors(creven) gort in lodewijcke/ roelants en(de) meester janne lobbe In sulker vueghen dat de/ vors(creven) marie hue(re)n eysch ov(er)gheven sal in gescrifte den segg(er)s/ hue(re)r wederp(ar)tien tusschen dit en(de) des goensdaeghs [t(er)c(ia)] post/ quasimo(do) naestcomen(de) Dair op hij sijn verantweerden doen/ sal oic in gescrifte bynnen xiiii nachten d(air) na en(de) dat ov(er)geve(n)/ den seggers zijnd(er) wederp(ar)tien En(de) also informacie hebben(de)/ sullen sij op dat zijs eenss zijn hue(re)n eendrechtighe uutsp(ra)ke/ doen bynnen xiiii nachten d(air) na oft in gebreke van dien/ halen om den wijn een vo(n)nisse voir scepen(en) van lov(en) p(ro)mitt(entes)/ rat(um) En(de) oft p(ar)tien zegge(re) gebrake dat zij in die stat/ ande(r) gelike sullen mogen nemen roel(ofs) roel(ofs) m(ar)tii xxi