Allen den ghene(n) die dese l(ette)ren selen sien oft hoire(n) lesen burg(er)m(eeste)ren/ scepen(en) en(de) raid der stad van loeven(en) saluit Doen te weten(e) dat op/ den dach van heden datu(m) van desen voir ons comen is in p(ro)pren p(er)sone/ arnoldus kyp sec(re)t(aris) der stad van loeven(en) ende heeft geconstitueert/ gesedt volcomen macht p(ro)cu(ra)cie en(de) auc(tori)teyt gegeve(n) janne boxhore(n)/ natuerlijc en(de) henricke meesterken wettich sone jacops meesterken/ oft den eene(n) van hen bringe(r) sbriefs alle en(de) yegewelke zijn/ saken questie(n) en(de) gescillen die hij alsnu uutstaende heeft oft oec/ namaels hebben soude moege(n) voir wat gerichte gheestelijc oft/ weerlijc dat dat ware oft geboire(n) soude moege alle zijn jaer/ gulden opcomi(n)ge(n) ende vervallen Te mane(n) teysscen op te buere(n)/ en(de) tontfange(n) dair voir te panden te dage(n) te beleyden raste/ mente te doen legge(n) die met rechte texeque(re)n te v(er)volgen/ en(de) te vorde(re)n alle scepen(en) brieve met rechte te vo(n)nisse(n) en(de) vor/ deringe te neme(n) ende te doen na costume gewoente(n) en(de) usagie(n)/ vanden plaetsen dair dat behoiren en(de) behoeve(n) sal moege(n)/ cet(er)a in mel(iori) for(ma) p(ro)mitt(ens) ratu(m) salvo iusto calculo cor(am) b(er)the(m) most/ vos junii s(ecund)[a]