It(em) want loenijs van udeke(m) die bij machte va(n) scep(enen) br(ieve) va(n) loeven(en)/ ov(er)lang gemaect ende gepass(er)t houden(de) ende heffende is thien/ crone(n) erflik(er) rinte(n) aen en(de) op de goede hier na bescr(even) roelofs/ wijlen boxhorens die de weduwe des voirs(creven) wijlen roelofs [besidt] en(de)/ de selve loenijs hem onlanx leden mits gebreke va(n) betali(n)ge(n)/ der voirs(creven) rente(n) te(n) v(er)sueke va(n) des(er) stad heeft doen leve(re)n alle/ de selve goede en(de) de voirs(creven) weduwe dach besceyde(n) oft zij die/ hadde willen v(er)antwerde(n) oft de voirs(creven) scepen(en) brieve impugne(re)n/ tot eene(n) zeke(re)n genoemden dage te wete(n) des dijssendaighs/ xxvii in septe(m)bri lestlede(n) tot welke(n) dage nocht tot den/ dage va(n) heden p(ar)tie niet gecomp(ar)eert en is Soe hebbe(n) de/ he(re)n scepen(en) va(n) loeven(en) t(er) manissen smeyers gevisenteert/ tresc(ri)pt jans baecx stedehouders des meyers va(n) vilvorde(n)/ tot leefdale gewijst voir een vo(n)nisse datme(n) de(n) voirs(creven) loenijs/ vande(n) voirs(creven) goeden houde(n) sal inde macht van zij(n)re leve/ ringen soe v(er)re dat noch voir hen come(n) is roelofs roelofs/ vos most octobr(is) p(ri)ma