Item vanden eysschen en(de) aenspraken die willem vanden necke ge/ heeten inde reme gedaen heeft in tweerleyde manie(re)n als hier na/ volcht tot he(re)n janne van ranschem ridde(r) Te weten dat hem de selve/ her jans toegeseecht en(de) gelooft soude hebben af te doene eenen pet(er)/ erflijc op een huys inde dorpstrate geleg(en) dair de vors(creven) willem/ inne te woene(n) plach ende daer de vors(creven) her jan vier peters/ erflijc op hadde om dat hij met hem toech inde reyse in vranckr(ijke)/ als sijn dyene(r) ende van eene(n) armborste ende eenen zweerde/ die de selve willem mede vuerde inde vors(creven) reyse ende die hem/ de selve her jan toegeseecht hadde te betalen op dat hijse v(er)lore/ alsoe het gesciet was Welke pointe de selve willem boet ten/ heyligen te houden dat die alsoe gesciet wae(re)n oft hij woudse/ den selven he(re)n janne geven tot sijnder wettig(er) eedt Soe/ heeft hem de selve her jan hier op verantweert ende heeft/ die ontkint en(de) gep(rese)nteert sijnen eedt te doene dat hij den/ voirs(creven) willem(me) hier af niet gelooft en hadde noch anders/ toegeseecht dan dat hij hem den vors(creven) dienst der selver reysen/ vergelden soude gelijc ande(r) ridde(re)n en(de) goede ma(n)nen in gelijken/ hue(re)n knechten deden oft hadden gedaen dwelc hij noch/ p(rese)nteerde te doene ende dair inne laten reken(en) die tweelf/ pet(er)s die de selve willem van sijnen v(er)loepen(en) rinten op/ thuys vors(creven) noch onder hadde Soe was gewijst ten uut(er)ste(n)/ waer de vors(creven) her jan den eedt dade vand(en) vors(creven) twee/ pointe(n) soe hij in sijnen v(er)antweerd(en) geboden hadde dat hij/ der aensprak(en) ongehouden sijn soude opde p(rese)ntacie voirs(creven)/ Welke twee eeden de selve her jan op heden als ten naesten/ verstreken(en) daige van rechte dede ende volquam ongeca/ lengeert vand(er) wed(er)p(ar)tien p(rese)ntib(us) roelofs roelofs vos most/ januar(ii) xxiiii