Item quinten witteman natuerlic in p(rese)ncia heeft mechtich/ gemaect en(de) volcomen procuracio et auctoriteit gegeven [absq(ue) revoc(ation)[e]] janne/ vander stoct kousmake(r) ende gorise wante oft den eenen van hen/ te manen teysschen opte boe(re)n en(de) tontfangen alsulken thien guld(en)/ rijders lijftochten als de selve quinten jairlix heeft vallen(de)
//
opde tolcame(r) te loven(en) te twee t(er)mijne(n) te weten(e) deen/ helicht tsint jansmesse en(de) dand(er) helicht te kersmesse/ Item acht guld(en) rijd(er)s oic lijftochten staende ten live/ des voirs(creven) quintens die hij jairlix heeft vallen(de) opden/ xxiiii dach van octobri aen en(de) op den ketel gelegen inde/ hoolstrate met meer ande(r) panden gelijc de brieve dair/ af sijnde uutwijsen en(de) begrypen onder ons staende in/ een wit cleyn opgaende cofferken dair op gescreve(n)/ staen quinten witteman jan vand(er) stoct en(de) gorijs/ wante om dair met jairlix betaelt te worden/ alsulken drie rijd(er)s lijftochten staende ten live der/ werdynnen des vors(creven) jans vand(er) stoct en(de) hae(re)r moeder/ vander daet xiiii[c] [vacat] mette(n)/ principalen pe(n)ningen d(er) selver inden Ende hen oic/ dair met te lossen va(n) alsulken drie guld(en) leeuwe/ oic lijftochten staende ten live van jouffr(ouwe) m(ar)grieten/ colne weduwe jans wilen van rode en(de) marien natuerlike/ dochter wouters colne en(de) des lanxten leven(de) Dair voir de/ voirs(creven) jan vand(er) stoct en(de) goris wante voir den voirscr(even)/ quinten borge staen met scepen(en) brieve(n) va(n) loven(en) vand(er)/ daet xiiii[c] lxiiii xxiiii nove(m)bris also wale [oic] vanden/ principalen pe(n)ningen als vanden verlopen(en) pachte/ Inden gevalle oft de vors(creven) live d(air) op de vors(creven) lijftocht staet/ ten tijde livich en(de) leven(de) wae(re)n ende hen van des/ voirs(creven) is voldaen en(de) gelost zijnde salmen den voirs(creven) lijftocht/ brief des vors(creven) jans vanden drie rijd(er)s en(de) oic den brieff/ vanden vors(creven) drie leeuwe te nyeute doen en(de) a(n)nichelle(re)n/ en(de) sullen [vort] als dan den vors(creven) quinten volgen ombelet en(de)/ wedergegeven wordden ongecancellert zijn vors(creven) bh/ brieve vand(er) tolcame(re)n en(de) den ketel onder ons staende/ rue(re)nde vand(en) vors(creven) xviii rijd(er)s Ende inden gevalle/ oft de vors(creven) quinten aflivich wordde eer de vorscr(even)/ lossinghe geheelic volschiet wae(re) [oft de vors(creven) ja(n) va(n) sijne(n) vors(creven) iii rijd(er)s bet(aelt) hadde] heeft de voirscr(even)/ quinten in meerder vesticheit gelooft den vors(creven) janne/ en(de) gorise oft den eene(n) van hen in handen te setten/ en(de) te vestigen tsijne(n) coste in een boender lants gelege(n)
//
ter capellen op diestbeke ende [in] drie dachmalen bosch d(air) neve(n)/ gelegen voir hof en(de) here dair men die afhoudende is/ en(de) also vele te doen dat hen genoech zij Behalven/ dat de vors(creven) jan en(de) goris metten selven onder panden he(n) altoes/ter stont sullen mogen behulpen om die te v(er)copen oft te v(er)sette(n)/ zoe wanneer zij met rechte voir de vors(creven) drie leeuwe/ gepraempt worden van p(ar)tien en(de) and(er)s niet dan inden/ gevalle gelic voirg(eruert) steet En(de) mits desen sal de voirs(creven)/ quinten geslaect worden vander vroenten d(air) hij nu in is/ vos most oct(obris) vi