Het zij comen te rechte inde banc voir meye(r) en(de) scepen(en)/ van loven(en) jan beyard bastart voir hem en(de) als momboir/ lijsbetten vander meren zijns wijfs welc jan van inden/ jare xiiii[c] lvi marcii xxix comen en(de) beleit is tot/ allen den goeden have en(de) erve jans wilen hazarts vand(er)/ vuren Welc beleit steet en(de) sculdich is te bliven onder/ scepen(en) en(de) inder scepen(en) register mits der condicien/ die dair na volght onder den schoutbrief staen(de) hier/ verhaelt van worde te worde te weten(e) Item is vorw(er)de/ dat de voirs(creven) gehuyssche oft deen van hen metten vors(creven)/ brieve alst hen gelieft sullen mogen doen leiden tot/ allen den goeden have en(de) erve des vors(creven) jans hasarts/ om de selve goede also lange als de selve jan hazart/ en(de) ka(tlij)[ne] sijn wijf oft deen van hen lanxst leven(de) sullen/ dair mede [te] bescudden Ende vort na hue(re)r beider doot/ en(de) niet eer te trecken en(de) taenverden de helicht/ van allen den goeden des vors(creven) jans hazarts en(de) ka(tlij)[nens]/ en(de) niet meer in deen zijde en(de) woute(re)n mychiels/ vander vuren in dande(re) Alse vanden erfgoeden hier/ na genoempt te weten(e) vander helicht vander ca(m)me(n)/ gelegen ter vue(re)n achter de kercke Item vand(er) helicht/ van eene(n) hove metten lande geheten rijkart gelege(n)/ ter vuren Ende vand(er) helicht van eenen stuck lants/ gelegen ter vue(re)n aende kiste Welcke goede de vors(creven)/ jan beyard alse voir deen helicht aensprack seggen(de)/ dat de vors(creven) wilen jan hasart met katlijnen peerchevaels/ sijnen lesten wijve die oudermoed(er) was vand(er) vorscr(even)/ lijsbetten vander meren des vors(creven) jans beyards wijf de/ vors(creven) goede cocht ende gecreegh en(de) dat zij dit hue(re)n/ heylic tsamen staende hielden en(de) besaten als hue(r) wettich
//
erve en(de) ten tijde als tvoirs(creven) beleit des vors(creven) jans beyard was/ gemaect Ende dat ter tijt als de vors(creven) jan beyard metter/ vors(creven) lijsbetten vand(er) meren zijnen wijve vergade(re)n soud(en)/ de vors(creven) jan hasart en(de) katlijnen peerchevale zijn wijf/ dair bij en(de) over wae(re)n en(de) geloofden dat deen helicht/ vanden vors(creven) goeden na hue(re)r beider doot den vorscr(even)/ toecomen(de) gehuyssche(n) volgen zoude en(de) also langhe/ e(n)nich van hen beiden leefde zouden zij den toecomend(en)/ gehuyssche(n) vors(creven) gheven jairlix een mudde corens/ en(de) dat d(air) op tselve heylijc toeghinc en(de) gesloten/ was en(de) volbracht metter heyliger kercken ende/ dat zij noch heden sdaeghs bij een zijn als man en(de)/ wijf Dese principalic en(de) meer ande(re) pointe boot/ de vors(creven) jan beyard te thoenen en(de) metten mynsten/ te gestane hopen(de) wair hijse gethoenen conste dat/ hem en(de) sijnen beleide de helicht vand(en) voirs(creven) goeden/ volgen zoude en(de) sculdich wae(re)n te volghen Dair op de/ vors(creven) wouter mychiels hem verantweerden(de) ontkynde/ de vors(creven) pointe en(de) principalic dat de vors(creven) jan hasart/ de vors(creven) goede met sijnen nawijve soude hebben v(er)creghen/ mair seide datse vercreghen wae(re)n met sijnen vorsten/ wijve seide oic dat hij de vors(creven) goede tegen de ghene/ dieze tegen de weduwe des vors(creven) jan hasarts en(de)/ die hij bij tvoirs(creven) heylijc soude hebben geweest hadde/ doeghdelic en(de) wettelic gecregen al met scepen(en) brieve(n)/ vand(er) vue(re)n en(de) wae(re)n die kercgeboden dair af ter/ vue(re)n gedaen geweest en(de) die zijn voirders uut machte/ van huerd(er) guedingen voir en(de) hij na hadden die beseten/ en(de) gepossesseert peyselic en(de) vredelic totten daghe/ van heden dwelc hij boot te thoenen hopen(de) oft hijt/ gethoenen conde dat hij bliven zoude in zijn goede
//
en(de) der aenspraken ongehouden zijn Was ghewijst ten/ uutersten bijden he(re)n scepen(en) van loven(en) ter manessen/ smeyers na aensprake verantweerden van beide/ den p(ar)tien en(de) thoenesse des vors(creven) jans beyarts/ die zijns vermets principalijc vanden pointe(n)/ voir gedeclareert volquam dat den vors(creven) janne/ beyard als momboir sijns wijfs de helicht/ vanden vors(creven) goeden volghen sal P(rese)ntib(us) o(mn)ibus/ scabinis dempt(is) abs(oloens) ouder(ogghe) nove(m)br(is) xvi