Nae dien dat bij vo(n)nisse der scepen(en) van loven(en) inder saken hangende/ tusscen den p(ro)cur(eur) des he(re)n des (com)mandeurs van brab(ant) en(de) van luydic he(re)n/ van chanterain ter eenre ende henr(icke) lodewijcx geheete(n) jaspar laureyse/ jaspar sijne(n) oem en(de) lodewijken jasp(ar) des vors(creven) laureys vader ter ande(re)/ die pechtene(re)n plag(en) te sijne vand(en) hove vand(en) temple gelegen/ bij wave(r) Gewijst es geweest dat de vors(creven) pechtene(re)n eene(n) seke(re)n/ dach van bewijsseniss(en) hebben soude(n) die den selve(n) biden raide vander/ stat gemodereert es geweest ende gestelt eene(n) t(er)mijn van elf/ daigen die soe zij seiden op morgen expire(re)n soude binne(n) den welk(en)/ zij die bewijssenisse sculdich soude(n) sijn te doene Soe sijn op hede(n)/ come(n) de vors(creven) pechtene(re)n bijden raide vander stat ende hebben/ gep(rese)nteert mett(er) selver bewijsseniss(en) voort te vare(n) innebringen(de)/ hoe dat zij hadden doen daigen he(re)n wille(m)me rosseal beide bijden/ officier ende vander vors(creven) stat wegen die niet en comp(ar)eerde/ ende alsoe wae(re)n zij gescapen op dat hij niet en quame mits/ cortheid(en) vand(en) vors(creven) tide van [hue(re)r] bewijsseniss(en) te sneeven bege(re)nde/ mits dien dat hij uut(er)lic bedwongen wordde oft dat den voirs(creven)/ tijt van der vors(creven) bewijsseniss(en) wordde verlingt Dair tegen/ de vors(creven) p(ro)cur(eur) des vors(creven) co(m)mandeurs repliceerde seggen(de) dat hij/ hoopte dat de vors(creven) her willem niet sculdich en soude sijn te drag(en)/ ende dat zij hen met hem niet en souden behulpen gemerct/ dat sij den selve(n) met eene(n) zijnen medegeselle anderwijlen ende/ inder selver saken gebatteert hadde(n) alsoe dat and(er)wijlen voer de/ selve he(re)n bij vo(n)nisse gewijst es geweest gelic de vo(n)niss(en) onder/ ons staende januar(ii) xxiii p(re) lestled(en) claerlic inhebben ende beg(ri)pen/ Is get(er)mineert dat de vors(creven) pechtene(re)n de bewijsseniss(en) op dat/ hen gelieft binne(n) den vors(creven) tide selen moigen doen ende soe/ v(er)re zij gebreckelic d(air) inne wae(re)n mits den reden(en) vors(creven) oft and(er)s/ dat zij dan acht(er)volgen(de) der gelufte(n) ende borchtochte(n) die zij gedaen/ hebben bid(er) stat ond(er) ons staen(de) febr(uarii) vii lestlede(n) wederom/ come(n) selen inder vroente(n) om ten naeste(n) daige van rechte d(air) nae/ volgen(de) te comen(e) van hue(re)n gescille(n) voer meye(r) en(de) scepen(en) van/ loeven(en) en(de) van dien rechts te plegen(e) Act(um) in ple(n)o (con)silio febr(uarii) xvii