Wij tymple vync scepen(en) te loven(en) doen cond en(de) te wete(n) eenenyegelike(n) dat/ opden dach van heden datum van desen voer ons come(n) sijn in p(ro)peren/ p(er)sone jan cluppel ende lijsbeth heyms sijn wijf wettige dochter goirts/ wilen heyme die hij hadde van lijsbetten eveloeghe sijne(n) wive voer hen selve(n)/ en(de) inden name godekens ende hennekens heyms gebruede(re)n der voirscr(even)/ lijsbette(n) heyms nu buyte(n) lants sijnde die de selve jan cluppel en(de) sijn wijf/ tot des nae bescreve(n) steet gelooft hebben te v(er)vange(n) in deen zijde ende/ lijsbeth we eveloechs vors(creven) moeder der vors(creven) kinde(re)n heyms van hue(re)n/ yerste(n) bedde [voir huer selven] met janne couwens sone goirts couwens p(ri)us ema(ncipa)[to] beyde oic/ inden name mag(ri)eten zwaefs wettige docht(er) der selver lijsbette(n) eveloege/ der moed(er) die sij heeft van henr(icke) wilen zwaefs hue(re)n tweeste(n) man/ welke magriete swaefs nu absent sijnde de selve moed(er) en(de) jan couwe(n)s/ gelooft hebben tot des nae bescre(ve)n steet te v(er)vang(en) in dande(re) Kynnen(de)/ ende lijden(de) dat zij met malcande(re)n eenswordde(n) zijn en(de) overcomen alse/ van allen den omberuerliken goeden chijsen rinte(n) en(de) erfpachte(n) alsoe wel/ leene eyge(n) erve als ande(re) die de vors(creven) moeder opde(n) dach van heden/ houden(de) es en(de) mett(er) hant heeft oft met zoe v(er)re de vors(creven) kinde(re) van/ beyde den bedden oft e(n)nighe van dien d(air) inne e(n)nichsins nu oft naemaels/ gericht soude(n) moige(n) sijn van wien die bleve(n) en(de) aencomen oft v(er)crege(n)
//
sijn alsoe wel die ghene die vand(en) vors(creven) moed(er) zijde(n) gecome(n) sijn als/ alle ande(re) der pointe(n) vorweerde(n) en(de) (con)dicien h(ier) na v(er)cleert die zij mal/ cande(re)n gelooft hebben indivisim voir hen hue(re)n erve(n) en(de) nacomeling(en)/ ende inde(n) name als voe(r) volcomelic tond(er)houde(n) en(de) tacht(er)volg(en) ende/ deen dande(re) d(air) af altijt van den inhouden van desen voird(er) vestich(eit)/ ofts behoift te doene ter maniss(en) en(de) coste des gheens die die behoeven/ sal ende bege(re)n Ende inden yerste(n) dat de vors(creven) jan en cluppel ende/ sijn wijf voir hen en(de) inde(n) name als voe(r) hebben selen en(de) aenveerd(en) tot/[eeuwigen daigen] ierst nae de doot der vors(creven) moed(er) die hue(r) tocht d(air) inne behoude(n) sal/ alle de goede chijse rinte(n) ende erfpachte(n) die de selve moeder opden dach/ van heden liggen(de) heeft te loeven(en) te he(re)nt te nurode ende d(air) omtri(n)t/ hoedanich die sijn moige(n) in huysen hoven wynnen(de) lande(n) beemde(n)/ eeussele(n) bosschen rinte(n) chijsen erffpachte(n) en(de) ande(re)n hue(re)n toebehoirte(n)/ It(em) dat de selve jan cluppel en(de) sijn wijf voir hen en(de) oic inden/ name als voe(r) ter stont ende sonder der moeder e(n)nige tocht dair/ inne te behoude(n) aenveerde(n) selen houde(n) en(de) besitten tot eeuwigen/ daige(n) de p(ar)ceelen van goeden hier nae bescreven(e) taetrode te bincke(m)/ ende d(air) omtri(n)t geleg(en) ierst een stuc erfs geheeten den langhenberch/ met (½) boende(r) lants dair aen geleg(en) al in eenen stucke inde vors(creven) p(ro)chie/ van aetrode tusscen d beide de straten aldair It(em) noch een cleyn bogardeke(n)/ dair tegen over op dander zijden vand(er) strate(n) geleg(en) It(em) noch een half boend(er)/ beemts geleg(en) int gemeyn broec geheete(n) buetschoersbroec mette(n) eenen/ ynde aend(en) vors(creven) bogart It(em) noch een boend(er) lants inde p(ro)chie va(n) bincke(m)/ opde(n) oest(er)bont geleg(en) It(em) een bosscelk(en) geleg(en) te meenssele En(de) noch/ ix mol(evaten) cor(ens) erfspachts aen henricx truydens dach(mael) lants [op alle laste(n) en(de) co(m)me(re)n d(air) uut gaen(de) t(er)m(in)is debit(is) p(er)solven(dum)] Ende ter/ ande(re) zijden sal de voirs(creven) magriete ter stont te huerw(er)t hebben trecke(n)/ en(de) aenveerde(n) sonder der moeder d(air) inne e(n)nige tocht te hebben oft te/ behoude(n) alle dande(re) omberuerlike [oft erflike] goede hoedanich die sijn soe wel/ leene als ande(re) die de vors(creven) moed(er) heeft te byncke(m) taetrode vorscr(even)/ ende dair omtrint alsoe wel thof [en(de) de goede] te cortenbroeke mette(n) toebehorte(n)/ als ande(re) aldair geleg(en) [sonder die ghene die voe(r) gespecificeert sijn] in woeni(n)g(en) huyse hove wynnen(de) lande(n) beemde(n)/ eeusselen bosschen wouwe(re)n en(de) allen hue(re)n toebehorte(n) op alle de laste(n)/ en(de) co(m)me(re)n dair voer uut gaen(de) term(in)is de(bi)[t(is)] Ende voirtane op vijf/ cronen te xxv stuv(er)s tstuc die de moed(er) voirs(creven) d(air) aen huer leefdaige/ lanc hebben sal jairlix vallen(de) sint andriesmisse d(air) af dierste betali(n)ge/ yerst innegaen van sint andriesmisse naistcomen(de) over een jair/ en(de) niet eer Met (con)dicie(n) ofts de vors(creven) moeder en(de) magriete huer docht(er)/ mette(n) vors(creven) ja(n)ne couwens hue(re)n toecomen(de) man conste(n) verdraghen/ alsoe dat de selve moeder met hen en(de) in hue(re)n coste int vors(creven) hoff te
//
cortenbroeke tooch woene(n) soe soude(n) dien tijt due(re)nde de vors(creven) v c(ro)nen/ stille staen en(de) niet derven betaelt wordde(n) mair cortte(n) na gelangde/ vanden tide dat zij alsoe in hue(re)n coste bleven ware Item es voort/ vorweerde oftmen bevonde dat e(n)nige vand(en) vors(creven) gespecificeerde(n)/ p(ar)ceele(n) van goeden die den kinde(re)n heyms gelijc voe(r) ter stont/ volgen mede belast stonde(n) oft v(er)onderpand voir den erffpacht uute(n)/ voirs(creven) hove en(de) goede(n) te cortenbroeke gaen(de) dat de vors(creven) magriete/ en(de) huer toecomen(de) man die p(ar)ceele(n) d(air) af quijt en(de) ongelast tot/ eeuwig(en) daige(n) houden sele(n) Item zelen de vors(creven) jan couwe(n)s ende/ magriete sijn toecomen(de) wijf te henweerts nemen cuelen ende/ afdoen al alsulken sculden alse de vors(creven) moed(er) opde(n) dach van heden/ zoe in lijfrinte(n) ende ande(re) schatsculden opden dach van heden sculdich/ es gedragen(de) tsame(n) zoe die overslagen sijn omtri(n)t vierhondert en(de)/ vijftich licht(er) guld(en) ende alle de ghene die dair voer staen oft geprae(m)t/ mochten wesen d(air) af geheelic lossen Des sal hen volgen toebehoe(re)n en(de)/ te bate(n) dair tegen come(n) de geheel have der vors(creven) moeder zoe die es/ inden vors(creven) hove te cortenbroec die geestimeert es op hondert gelike/ lichte gul(den) Ende voort alsulken schatscult alsmen van des voirscr(even)/ wilen henrix zwaefs tide den selven henricke sculdich bleve(n) sijn/ mach te wat plaetsen oft aen wien dat het zij Item dat de voirscr(even)/ jan cluppel en(de) sijn wijf inden name als bove(n) van weerde(n) houde(n)/ zelen en(de) approbe(re)n tot eeuwig(en) daigen en(de) mits desen approbe(re)n ende/ van weerde(n) houde(n) alle alsulken vercoepe oft v(er)tie(ri)nge(n) oft opdrachte/ van goeden dair inne de kinde(re) heyms gericht mochte(n) sijn als voir/ maels bide(n) vors(creven) wilen henricke swaefs v(er)cocht en(de) vertiert moigen/ zijn zonder dat zij tegen de selve v(er)tie(ri)nge e(m)mermeer stoot sele(n) make(n)/ oft den vors(creven) godeken en(de) he(n)neke(n) heyms doen oft late(n) make(n) in e(n)nig(er)/ manie(re)n Item oft gebuerde dat om de vors(creven) scult van iiii[c] en(de) vijftich/ gul(den) de vo te betalen de vors(creven) jan couwens e(n)nige [erf]goede van zijnd(er)/ zijden gecomen vercoepen moeste ende hij aflivich wordde sonder/ wettige gebuerte van sijne(n) vors(creven) toecomen(de) wive acht(er) te laten soe/ es vorweerde en(de) ondersproken dat dan nae sijn en(de) sijns wijfs doot/ vors(creven) zijne(n) naeste(n) erfgename(n) wed(er)gekeert soude wordde(n) en(de) volge(n)/ aende goede vander selver sijnd(er) werdynne(n) wege(n) en(de) van hue(re)r zijde(n)/ gecome(n) oft op huer helicht vand(en) v(er)cregen(e) goede tgheen des hij van de(n) pe(n)ninge(n)/[van] den selve(n) sijne(n) v(er)cochte(n) erfgoeden [gecomen] in betaling(en) der vors(creven) sculden uutgeleecht/ ende betaelt hadde februarii ulti(m)a