It(em) die voirs(creven) hee(r) van dongelb(er)ge h(er) willem van haller gerart van/ crehain en(de) librecht van haller hebben malc den ande(re)n gelooft dat zij/ alle lasten oft scaden die uut ocsuyn der voirs(creven) lijfpen(sien) e(n)nig(en) van/ hen toecome(n) mochte het wae(re) vand(en) p(ri)ncipalen gelde pachte oft/ e(n)nig(en) coste oft co(m)me(re) hoedanich die wae(re) Alsoe wale ande(re) costen en(de)/ laste(n) als de gheene die coste(n) van rechte sijn nae des(er) stat recht dat/ zij en(de) elc van hen vanden ande(re)n v(er)maent ende versocht te sijnd(er)/ woenstat te loeven(en) sal inne comen en(de) drag(en) sijn vie(re)ndeel van/ alle(n) de(n) vors(creven) laste(n) alse schout mette(n) rechte v(er)reyct eisd(em)