It(em) willem van buetsele sone wile(n) willems va(n) buetsele ter/ eender zijden ende henr(ick) caquereel sone wilen jans va(n) geldenake/ ter andere zijn vanden pe(n)ni(n)gen comen(de) vander zoene(n) des/ dootslaechs jans wile(n) dassets bijde(n) voirs(creven) willem(me) ende zijne(n)/ hulpe(re)n te loven(en) van live ter doot bracht met malcande(re)n/ eensworde(n) en(de) overcome(n) der pointe(n) ende condicie(n) hier nae/ vercleert Inden yersten al eest alsoe dat de voirs(creven) willem/ van buetsele ende jan zijn brueder met meer ande(re)n hue(re)n/ borge(n) voir scepen(en) van loeven(en) febr(uario) xi a(n)no lxii vander/ voirs(creven) zoene(n) geloeft hadde(n) janne ha(n)nyet en(de) janne(n) zijnen/ sone hondert en(de) xl clinckarde te xx xiiii stuv(er)s tstuck/ te betalen(e) tot seke(re)n payme(n)ten en(de) t(er)mijne(n) en(de) op seke(re)/ vuege(n) ende condicie(n) gelijc tregister ond(er) ons opde(n) daet/ voirs(creven) cleerlijck uuytwijst ende begrijpt op welke so(m)me/ de voirs(creven) wille(m) ende zijn borge(n) alsoe vele betaelt hebbe(n)/ nae dat blijct bij quitan(cie) des voirs(creven) jans ha(n)nyet dat/ hij nu d(air)af niet meer sculdich en is dan de so(m)me va(n)/ hondert en(de) vier scilde te xiiii st(uvers) tstuck En(de) alsoe/ hebbe(n) de selve wille(m) en(de) jan zijn brueder den voirs(creven) caq(ue)reel/ gelooft de voirs(creven) hondert en(de) vier scilde te betale(n) tamq(uam) ass(ecutu)[m]/ deen derdendeel d(air)af bynne(n) xiiii nachte(n) naistcomen(de) dander
//
derdendeel te kermesse daer nae volgen(de) ende tderde derdendeel/ te meye dair nae volgen(de) quol(ibet) ass(ecutu)[m] et p(ri)m[(us)] Ende ter and(er)/ zijden heeft geloeft de voirs(creven) henr(ick) caquereel de(n) voirs(creven) willem(me)/ va(n) buetsele tot behoef van hem ende allen ande(re)n dien het va(n)/ sijne(n) wegen aengaen mach dat zij mids voldoe(n) der so(m)men die/ hier nae gescr(even) steet aen en(de) tegen eene(n)yegelijcke(n) vander voirs(creven)/ zoene(n) ende der so(m)men die geloeft es opden daet voirscreve(n)/ gestaen sullen Ende oft zij boven desen vander voirs(creven) zoene(n)/ oft der voirscr(even) geluefte(n) gepraemt worden van yemande wie/ hij ware dair af heeft de selve henr(ick) geloeft de(n) voirscr(even)/ willem(me) janne zijne(n) brueder zijn borgen ende alle ande(re) dien/ dat aengaen mach scadeloes te houden en(de) tontheffen Ende/ d(air)af zijn borgen des voirs(creven) henr(ix) caquereal ind(ivisim) jan de/ fontenguis wonen(de) gyseynne(n)ville inde p(ro)chie va(n) gheest/ en(de) lodewijck va(n) bo(m)male sone wile(n) jans va(n) bo(m)male na(tur)lijcx/ wonen(de) te g(ra)nd bo(m)male Et p(rim)[(us)] zande vynck sept(embris) v