It(em) henrick van breetsijp woenen(de) toest(er)hem in deen zijde ende/ gheert de raymake(re) wonen(de) inde borchstrate in dandere sijn/ ov(er)come(n) met malcande(re)n alse van dien halve(n) mudde lijftochten/ dat de voirs(creven) gheert de(n) voirs(creven) henr(icke) hier voirtijts sculdich was/ d(air)af den brief verdoolt mach zijn der vuege(n) h(ier) nae v(er)cleert/ Te weten dat voir al des de voirs(creven) gheert vande(n) voirscr(even)/ lijfpens(ien) sculdich mach wese(n) hij den voirs(creven) henr(icke) gheven sal/ vijf scilde te xiiii stuv(er)s tstuck alle jaer in meydage naistcomen(de)/ eene(n) scilt tot dat volbetaelt sal wesen tymple blanck(ar)t oct(obris) xi