Allen den ghenen die dese l(ette)ren sullen sien oft hoire(n) lesen/ burgemeeste(re)n scepen(en) ende raide der stad van loeven(en)/ saluyt doen cont en(de) te weten(e) dat opden dach datum/ van desen voir ons comen is in p(ro)pe(re)n p(er)sone her jan/ van ranshem ridde(r) en(de) heeft geconstitueert volcomen/ macht p(ro)curacie en(de) auctoriteit gegeve(n) arnde van pede/ sone wile(n) he(re)n arnts van pede ridders adriane vander/ bliect gielise vand(en) eynde janne hoze en(de) henricke vander/ hoeve(n) oft den eenen van hen bringe(r) des briefs Alsulke sake(n) questie(n) en(de) gescille als de selve her jan met den/ voirs(creven) arnde van pede uutstaen(de) heeft teghen he(re)n fredericke/ van witham ridder uut saken vand(er) borchtocht die jasp(er)/ wilen absoloens zweer des voirs(creven) he(re)n jans en(de) jan wile(n)/ van wijtvliet zweer des voirs(creven) arnts van pede voir den/ voirs(creven) he(re)n fredericke van witham ande(r) wile(n) gedaen hebbe(n) aen diversen p(er)sone(n) van diversen rente(n) Ende voirts/ alle zijn ande(re) sake(n) questien en(de) geschille(n) als de selve/ her jan van ranshem uutstaende heeft oft namaels/ hebben soude moege(n) voir wat gerichte gheestelijck oft/ weerlijc dat dat zijn oft geschien mochte te vervolge(n)/ te bescudde(n) te bedinge(n) die te wynne(n) en(de) te verliesen/ compositie en(de) minlike yffeni(n)ge dair af te make(n)/ te quite(re)n en(de) volcome(n) quitan(cie) te gheve(n) En(de) voirt met/ rechte oft noot zij alle de selve sake(n) te conteste(re)n te/ decline(re)n te vorde(re)n te exeque(re)n te excipie(re)n te reco(n)venie(re)n/ te verantw(er)de(n) alle gescrifte(n) en(de) libelle(n) over te gheve(n)/ en(de) te nemen te replice(re)n te duplice(re)n also wale int/ p(ri)ncipael als int accessoir alsoe dicwile als des te doen/ zijn sal Getuyge(n) met rechte versueke(n) bedwonge(n) te/ worde(n) tot hue(re)r deposicien die te wederlegge(n) leide(n)/ der wederp(ar)tie(n) getuyge(n) te sien zwere(n) die te batte(re)n/ hue(r) deposicien te wederlegge(n) also menichwerve(n) alst/ behoe(re)n en(de) behoeve(n) sal Die sake bij beroepe oft appellacie(n)
//
te moege(n) vervolge(n) die vo(n)nissen van dien en(de) alle(n) ande(re)n hue(r) der/ voirs(creven) constitucie(n) aengaen(de) alsoe wale interlocutoire als diffini/ tive te verwachte(n) tgewijsde te vervolghe(n) en(de) te doen exeque(re)n/ En(de) voirtaen g(e)n(er)alijc en(de) specialijc alle tgene dair inne te doen(e)/ en(de) te vorde(re)n des de voirs(creven) her jan selve dair inne doen es/ vorde(re)n zoude moeghe(n) oft hij telcker tijt en(de) plaetsen tegen/ woirdich en(de) voir oeghe(n) ware Geloven(de) voir ons in goede(n)/ trouwe(n) de selve he(re) jan op de verbintenisse van alle(n) zijnen/ goeden ber(uerlic) en(de) o(n)ber(uerlic) tege(n)woirdich en(de) toecomen(de) vercrege(n) ende/ te vercrighe(n) hoedanich die zijn wair die belege(n) zijn oft/ bevonden moghe(n) worde(n) goet vast gestentich en(de) van weerde(n)/ te houden alle tgene des bijden voirs(creven) p(ro)cur(eur)s oft e(n)nige(n) van/ hen in e(n)nich van des voirscr(even) steet voirmaels tot des(er) dage toe/ gedaen en(de) gevordert is geweest oft d(air) inne namaels [gedaen] en(de) gevordert/ sal worden in e(n)nig(er) manie(re)n behalve(n) dat de voirs(creven) p(ro)cur(eur)s ende/ eenyegelijck van hen sculdich selen zijn vand(en) bewinde ende/ hanteringe(n) in des(er) sake(n) geschiet oft die namaels geschien sal/ den voirs(creven) he(re)n janne van ranshem altoes tzijnder manissen/ goede rekeninge reden(en) en(de) besceyt te doen(e) des ter kynnessen/ hebbe(n) wij (et)c(etera) xiii decembr(is)