Want vrancke van maerbeke en(de) bartelmeeus de vos als geleid voir zeker/ wettich nae deser gebrec nae deser stat recht tot allen den goeden beyde/ have en(de) erve peters van maerbeke zwag(er)s des vors(creven) bartelmeeus die/ hem afhendich heeft gemaict zoe waer die geleghen zijn hen hadden/ doen leve(re)n alle de selve goede beyde have en(de) erve met andriese van/ roesmeer vorste(r) zoe v(er)re die bynnen der stat van loeven(en) zijn geleg(en)/ en(de) namelijc thuys ende den hof vand(er) beckerien inde hoolstrate d(air) de/ vors(creven) peter inne woende(n) geleg(en) inde hoolstrate buyte(n) sinte machiels/ porte tussce(n) dmandek(en) [ter eenre] en(de) de goede die de weduwe pet(er)s wile(n) van/ maerbeke besit ter ande(re) It(em) de schue(r) met hue(re)n hove d(air) achter geleg(en)/ opt puttersvelt ende oic i cleyn huyske(n) inde vlemi(n)cstrate geleg(en)/ metgaders alle d(er) have(n) in e(n)nich vand(en) selve(n) goede(n) oft elswair wesen(de)/ Ende voirt dach van rechte op heden alse ten verstreken(en) daighe/ van rechte doen bescheiden binne(n) den [vors(creven)] huyse d(air) de vors(creven) pet(er)[inne woende] eer hij/ afhendich was des weduw selfs peters wijfs [die huer hande dair aen hadde] om dat hue(re)n man vort/ te cundighen en(de) bij hem oft hue(r) oft van hue(re)n weghen oft zij des/ vors(creven) steet we hadde(n) wille(n) wederlegge(n) ten vors(creven) daighe met rechte/ oft zij conste(n) wederleecht te wordde(n) tot welken daighe de selve peter/ zijn wijf noch nyema(n)t anders gecomp(ar)eert en es ende de voirscr(even)
//
geleidde trecht voirt hebbe(n) versocht Soe hebbe(n) de scepen(en) van loeven(en)/ ter maniss(en) smeyers gewijst voer een vo(n)nisse nae dat zij den voirscr(even)/ andriese hadden hoe(re)n clee(re)n op sijne(n) eedt dat hij de leve(ri)nge ende den/ voirs(creven) dach inder voirg(eruerde) manie(re)n gedaen hadde en(de) bescheide(n) datme(n)/ die voirs(creven) geleidde vand(en) voirg(eruerde) goede(n) houde(n) sal inde macht van/ hue(re)n voirs(creven) beleide tot der voldoeni(n)g(en) van hue(re)r wettig(er) scult/ cor(am) o(mn)ib(us) scabinis dempt(o) roelants decembr(is) vii