It(em) jan van gheele sone henrix van gheele in p(rese)ncia heeft genome(n)/ ende bekint dat hij genome(n) heeft van he(re)n janne van beringen al/ canonic ts(in)te pet(er)s te loven(en) als p(ro)cur(eur) des goidshuys van tongerloe/ zeke(re) goede desselfs goidsh(uys) geleg(en) ten huffle in huysen hove(n) wynnen(de)/ landen beemde(n) eeusselen weyden ende ande(re)n hue(re)n toebehoirten/ uutgenome(n) den chijs den selve(n) goide(n) toebehoiren(de) dair de voirs(creven)/ wynne gheen recht innehebben en sal [zoe verre wout(er) ackerma(n) die ald(air) gehoude(n) heeft] Te houde(n) te hebben/ ende te wynne(n) van halfmerte naistcomen(de) eene(n) t(er)mijn van/ tweelf jae(re)n lanc due(re)nde deen nae dande(r) sond(er) middel volgen(de)/ elx jairs d(air)enbinne(n) om en(de) voir thien mudde(n) rox [en(de) een half mudden even(en)] der mate(n) va(n)/ loven(en) goet en(de) payabel alsulx als opde vors(creven) goede jairlix wasse(n)/ sal ende om twintich hollan(tse) gul(den) van goude goet en(de) ginghe/ oft die weerde d(air) af in ande(re)n goede(n) gelde tsint andries misse/ apostels te betalen ende te loven(en) dairt den vors(creven) p(ro)cur(eur)s gelieve(n)/ sal te leve(re)n den vors(creven) t(er)mijn due(re)nde quolib(et) ass(ecutu)[m] It(em) sal de/ vors(creven) wynne bove(n) des vors(creven) steet jairlix in des vors(creven) goidsh(uys)/ herberghe te loven(en) [te hoytide] zijne(n) vors(creven) t(er)mijn due(re)nde leve(re)n een goette [goet]/ voeder hoys alsulcx als vand(en) selve(n) goede(n) come(n) sal goets en(de) custbairs/ en(de) d(air)enbove(n) betale(n) jairlix en(de) alsoe in tijts afdoen allen den chijs/ uute(n) vors(creven) goede(n) gaen(de) sonder cost des vors(creven) goidsh(uys) dat tselve/ goidshuys d(air) bij niet beschadicht en blive It(em) sal de vors(creven) wy(n)ne/ jairlix op tvors(creven) goet sijne(n) t(er)mijn due(re)nde setten en(de) planten/ viventwintich poote(n) levend(er) poote(n) It(em) sal de wynne jairlix/ leve(re)n xxxv mandele(n) walme(re)n goet en(de) costbair om de huysinge/ ald(air) mede te decken en(de) wesme(n) aende vors(creven) oude huysinge en(de)/ dofhuyse ald(air) staen(de) dect oft plect d(air) af sal de wynne aende/ wercliede vand(en) montcost en(de) dachue(re)n ongehoude(n) sijn It(em) sal/ de vors(creven) wynne ten afsceiden van sijne(n) vors(creven) t(er)mijne late(n) twee/ boender lants wel en(de) loflic met rogghen besaeyt en(de) twee boend(er)/ stortte(n) eens o(m)megedaen en(de) die brake geheel en(de) hij sal oic laten/ ten ynde vanden vors(creven) t(er)mijne inde messie vande(n) vors(creven) hove/ vier bodtvoeder mests ende veertich hoepe stroes voer elke(n) hoop/ thien schoeve Item sal de vors(creven) wynne den vors(creven) t(er)mijn lanc due(re)nde
//
die voirs(creven) goede wel en(de) loflic wynne(n) begrechte(n) bevreede(n) en(de) meste(n)/ gelijc sijne(n) reengenoete(n) bove(n) ende benede(n) It(em) sal de vors(creven) wynne/ jairlix den vors(creven) t(er)mijn lanc due(re)nde den vors(creven) goidshuyse doen/ drie daige corweiden met sijne(n) wagen en(de) peerde(n) It(em) sal tvoirs(creven)/ goidshuys hebben deen helicht vande(n) do duyve(n) die jairlix/ vand(en) dofhuyse aldair come(n) selen mair de wynne de wynne/ sal tselve dofhuys ja mote(n) spijsen ende [de duyve(n)] vueden voir dander/ helicht vand(en) duyve(n) en(de) tgeheel duyve(n)mest dat he(m) toebehoire(n)/ sal It(em) sal de vors(creven) wynne jairlix sijne(n) t(er)mijn due(re)nde inde/ vors(creven) h(er)berge te loven(en) leve(re)n acht mandele(n) stroes It(em) selen/ mijn he(re) en(de) de wynne des vors(creven) steet niet wederstaen(de) va(n) malca(n)d(eren)/ moigen scheiden ten negen jae(re)n bij alsoe dat de ghene van hen/ die scheiden sal wille(n) dat den ande(re)n een jair te vore(n) sal mote(n)/ cundige(n) Ende alle dese vorweerden Inde su(n)t fideiuss(ores) dicti coloni/indivi t(am)q(uam) debitores p(ri)ncipal(es) indivisim henric(us) de gheele p(ate)r d(i)c(t)i/ coloni (com)mor(ans) apud holsbeke et godefrid(us) de rotselair d(i)c(t)us ty(m)mer/ man (com)mor(ans) infra libertate(m) lovan(iensem) apud kessele et p(rim)[(us)] cor(am) abs(oloens)/ vync m(ar)cii iii