Cont zij allen lieden dat jan waernir geheete(n) van gheest sone wile(n)/ thomaes wonen(de) te gest s(int) remeys in p(rese)ncia heeft genome(n) en(de)/ bekint dat hij genomen heeft van he(re)n gielijse van heddeyns/ canonick regulier des godshuys van heyleshem thof desselfs/ godshuys geheete(n) van suemaigne gelegen te p(er)weys gelijck dat die/ selve gehoude(n) heeft een getonste va(n) tweelf jaire(n) lanck Te/ houde(n) te hebben en(de) te wynne(n) van halfm(er)te a(n)no lxvii nae/ camerijck eene(n) t(er)mij(n) va(n) xii jae(re)n lanck vervolgen(de) elx jaers/ d(air)enbynne(n) om vijftich gulde(n) saluyte d(er) mu(n)ten sconincx van/ vranckrijcke oft inghelant goet van goude en(de) zwaer va(n)/ gewichte oft de weerde d(air)af in ande(re)n goede(n) ghelde alle/ jae(re) te betale(n) deen helcht tonser liever v(rou)we(n) dage lichtmesse/ ende dander helcht tsint jansmesse baptiste(n) Ende oick alle jae(re)/ om ende voe(r) vijftich mudden lovensche harts corens goet en(de) payabel/ met wa(n)ne en(de) vederen wel bereyt der mate(n) va(n) p(er)weys alsulcx core(n)s/ als opt voirs(creven) lant jairlijcx wassen sal alle jae(re) ts(in)t andr(ies)messe ap(oste)ls/ te betale(n) en(de) int voirs(creven) hof va(n) suemaigne te leve(re)n de(n) voirscr(even)/ hee(re)n gielijse he(re)n ja(n)ne bollys he(re)n gheerde va(n) meensele canonicke/ regulie(re)n des voirs(creven) godshuys janne straetma(n)s ja(n)ne motte(n) en(de) ja(n)ne/ rogiers aut den voirs(creven) termijn due(re)nde en(de) telke(n) t(er)mijne als v(er)reycte/ schout Item sal de voirs(creven) wynne die tvoirs(creven) hof genome(n) heeft/ met alle d(er) toebehoirte(n) gelijc dat hij dat lestwerf houden(de) was/ de huysinge vande(n) selve(n) hove wel en(de) loflijc houde(n) va(n) vorste/ van wande en(de) van dake op sijne(n) cost de(n) voirs(creven) t(er)mij(n) due(re)nde/ en(de) die alsoe late(n) tsijne(n) uuytgane wel gedect gevorst geplect/ en(de) geslote(n) It(em) sal de voirs(creven) wy(n)ne jairlijcx de(n) voirs(creven) t(er)mij(n) due(re)nde/ leve(re)n duysent goeder getuygheliker walme(re)n om de huysinge va(n)d(en)/ voirs(creven) hove mede te decken(e) in nouwe(n) oft in oude(n) dake daer/ des meest te doe(n) sijn sal met des voirs(creven) abts raide En(de) alsme(n)/ die ald(air) verdect sal de voirs(creven) wy(n)ne de(n) wercliede(n) de(n) mo(n)tcost/ gheve(n) en(de) tcloester sal de dachue(re)n betale(n) It(em) es vorw(er)de geliefdet/ de(n) voirs(creven) cloeste(r) ald(air) meer te doe(n) decke(n) dat dan de voirs(creven) wy(n)ne/ noch d(air) toe jairlijcx leve(re)n sal drie oft vier hondert walme(re)n/ en(de) alsme(n) die verdect soe sal de voirs(creven) wy(n)ne de(n) wercliede(n)/ de(n) montcost gheve(n) en(de) tcloester sal de dachue(re)n betale(n) mar/ tvoirs(creven) tcloester sal tvoirs(creven) hof houde(n) va(n) ande(re)n g(ro)ven wercke/ It(em) sal de voirs(creven) wy(n)ne alle de lande vand(en) voirs(creven) hove wel/ en(de) loflijck wynne(n) werve(n) meste(n) en(de) zayen alle jae(re) te(n) minsten
//
gelijck reengenoete(n) It(em) sal de voirs(creven) wy(n)ne alle de truncboeme moge(n) doe(n)/ truncke(n) ten behoirlike(n) tijde en(de) d(air) mede de voirs(creven) goede wel en(de) loflijc/ bevreden It(em) sal de voirs(creven) wy(n)ne moge(n) doe(n) afhouwe(n) alle de v(er)droechgde/ tru(n)cboeme en(de) voir elke(n) boem sette(n) op zijne(n) cost twee pote(n) vanden/ selve(n) arde ten behoirlike(n) tijde en(de) die wel doe(n) v(er)doerne(n) en(de) en sal de/ voirs(creven) wynne niet moge(n) doe(n) tru(n)cke(n) negheen opgaen(de) hout in gheend(er)/ manie(re)n It(em) sal de voirs(creven) wy(n)ne noch alle jae(re) plante(n) opde voirs(creven) goede/ hondert goede getuygeliker pote(n) te(n) behoirlike(n) tijde en(de) die wel en(de)/ loflijck doe(n) verdoerne(n) en(de) beware(n) op sijne(n) cost It(em) sal de voirs(creven) wy(n)ne/ de(n) voirs(creven) abt sculd(ich) sij(n) int voirs(creven) hof tontfane alle jae(re) de(n) voirs(creven) t(er)mij(n)/ due(re)nde driewerve(n) met twee capellane(n) en(de) zijne(n) huysgesi(n)ne Te wete(n)/ dat mij(n) hee(r) dabt daer come(n) mach des eens daechs te vesp(er)tijde en(de) d(air)/ blive(n) dien nacht en(de) vort des smorge(n)s allen de(n) dach en(de) wed(er) die(n) nacht/ en(de) vort des morge(n)s tot nae zijne(n) onbijtentijde en(de) dan sal de selve wy(n)ne/ alle(n) de(n) cost d(air) af doe(n) en(de) betale(n) beyde va(n) liede(n) en(de) va(n) p(er)de(n) uuytgenome(n) va(n)/ wijne van wasse en(de) va(n) cruyde It(em) sal de voirs(creven) wy(n)ne oick sculdich zij(n)/ tontfane de(n) proest de(n) spikermeester en(de) ande(re) boden va(n)de(n) voirs(creven) cloeste(r)/ en(de) hen en(de) hare(n) p(er)de(n) hae(re)n cost doe(n) uuytgenome(n) va(n) wijne alsoe dicke/ als zij inde martse te doe(n) sulle(n) hebbe(n) om des voirs(creven) cloest(er)s sake(n) It(em)/ sal de voirs(creven) wy(n)ne oic ontfae(n) alle jae(re) de(n) voirs(creven) t(er)mij(n) due(re)nde eens/ de(n) meye(r) en(de) die scepen(en) vande(n) voirs(creven) hove va(n) suemaigne en(de) hen thete(n)/ en(de) te drincke(n) geve(n) van goede(n) biere gelijc als tot her toe gewoenlijc es/ geweest sonder mijns he(re)n voirs(creven) cost It(em) sal de voirs(creven) wy(n)ne moge(n) houde(n)/ int voirs(creven) hof scape va(n) hem selve(n) op dat hij wilt maer waer dat/ hijse van he(m) selve(n) niet gehouden en can soe sal hijse houde(n) van m(ijn)/ hee(r) de(n) abt voirs(creven) te vuedene te twee jaire(n) te deylen(e) en(de) van/ nyema(n)t and(er)s op datse m(ijn) he(re) he(m) te vuede(n) geve(n) wilt en(de) die sal hij/ dan wel doe(n) heerde(n) vuede(n) en(de) beware(n) maert wart tsake dat m(ijn)/ he(re) hem niet te vuede(n) en woude geve(n) soe mach se hijse te vuede(n)/ neme(n) van wien hij wilt Ende de voirs(creven) wy(n)ne en sal tvoirs(creven) hof/ niet moge(n) late(n) staen sonder scape in gheender manie(re)n It(em) gevielt/ dat gemeyne orloge wae(re) en(de) tgemeyn lant va(n) brab(ant) uuytrocke mette(n)/ hertoge van brab(ant) en(de) tvoirs(creven) godshuys leve(re)n moeste de(n) he(re) va(n) p(er)weys/ oft zijne(n) liede(n) eene(n) wage(n) met vier p(er)de(n) soe es vorw(er)de dat de voirs(creven)/ wy(n)ne dien wage(n) leve(re)n soude met vier p(er)de(n) wel gespa(n)ne(n) en(de)/ met h(er)nassche en(de) met twee knechte(n) sonder des voirs(creven) cloest(er)s/ cost en(de) op alsoe wart tsake dat de voirs(creven) wage(n) v(er)lore(n) worde/ oft die p(er)de storve(n) sond(er) schout oft ocsuyn d(er) voirs(creven) knechte(n) met gemey(n)d(er)
//
scoffelture(n) oft eenig(er)hande ande(re) manie(re)n soe es vorw(er)de dat tvoirs(creven)/ cloester de(n) wyn voirs(creven) dan betale(n) sal ende genoech doe(n) va(n)de(n)/ wagen p(er)de(n) ende hernassche ter goeder knape(n) prijse mair gevielt/ dat den voirs(creven) wagen ende p(er)de(n) verlore(n) worde(n) bij quader hoede(n) oft/ ocsuyne der knechte(n) voirs(creven) soe en soude mij(n) he(re) dabt voirs(creven) niet/ gehoude(n) zijn die te v(er)ghelden It(em) voirt meer heeft de voirs(creven) wy(n)ne/ genome(n) en(de) bekint dat hij genome(n) heeft vande(n) voirs(creven) abt de/ thiende de(n) voirs(creven) cloeste(r) toebehoiren(de) gelege(n) inde prochie va(n) p(er)weys/ alsoe v(er)re en(de) gelijckerwijs dat de voirs(creven) wynne die voirtijts/ gehoude(n) heeft Te houde(n) en(de) te hebbe(n) de(n) voirs(creven) termijn due(re)nde/ elx jaers d(air)enbynne(n) om en(de) voe(r) sesse mudde(n) love(n)sche harts core(n)s/ alsulck als vand(er) voirs(creven) thiende(n) jairlix come(n) sal d(er) mate(n) va(n) p(er)weys/ alle jae(re) tsinte andr(ies)misse te betale(n) en(de) int voirs(creven) hof va(n) suemaigne/ te leve(re)n de(n) voirs(creven) p(er)sone(n) oft de(n) eene(n) va(n) hen bring(er) des briefs/ quol(ibet) ass(ecutu)[m] Ende oic om sesse gulden(en) saluyte(n) goet va(n) goude en(de)/ zwaet van gewichte oft de weerde d(air)af in ande(re)n goede(n) gelde/ deen helcht tons(er) liever vrouwe(n) dage liechtmesse en(de) dander/ helcht ts(in)t jansmesse baptiste(n) te betale(n) de(n) voirs(creven) abt int voirs(creven)/ godsh(uys) jairlix de(n) voirs(creven) termij(n) due(re)nde quol(ibet) ass(ecutu)[m] It(em) es vorw(er)de/ dat de voirs(creven) wyn sal doe(n) maken riole(n) aende bempde voirs(creven)/ en(de) die wel doe(n) grichte(n) ten naeste(n) jaire alsoe verre als zij/ des behoevende sulle(n) zijn ende die wel ende loflijck alsoe houde(n)/ sijne(n) termijn due(re)nde ende tzijne(n) uuytgane die wel en(de) loflic/ gherioelt ende ghegricht laten It(em) sal de voirs(creven) wynne den/ knechte(n) des voirs(creven) abts geve(n) alle jae(re) de(n) voirs(creven) termijn due(re)nde/ een mudde corens d(er) mate(n) voirs(creven) en(de) oick alle jae(re) des abts/ huysgesinne te jansmesse eene(n) halve(n) gulden(en) clinckart sonder/ afslach der principaelder so(m)men voirs(creven) It(em) es vorweerde dat/ de voirs(creven) wynne allet goet ende vrucht dat vande(n) voirs(creven)/ goede(n) en(de) oick vander thiende(n) voirs(creven) jairlix come(n) sal bringen/ sal int voirs(creven) hof en(de) niet elders en(de) allet stroe d(air) af comen(de)/ sal hij jairlijx in meste beke(re)n en(de) dat mest vue(re)n opt voirs(creven)/ lant daers alder best te doene sal zijn tslants meeste(n) p(ro)ffijte/ behoudelijck dat hij die voirs(creven) walmen d(air) uuyt scudde(n) sal moge(n)/ It(em) es vorweerde en(de) condicie dat de voirs(creven) wynne in zijne(n)/ lesten jae(re) allet stroe en(de) caf int voirs(creven) hof laten sal beh(oudelijck)/ dien dat hij late(n) sal alsoe vele stroes ongeedt beyde wint(er)stroe
//
en(de) somerstroe inde schue(re) ende inde stalle alsmen behoeve(n) sal/ moge(n) van halfm(er)te tot meye toe om alle die beeste(n) des voirs(creven)/ hoefs uuyt te voede(re)n en(de) oick onderhalf hondert goed(er) schoeve/ crocken ongeedt en(de) vier hondert goeder schoeve erwete(n) ongeedt/ It(em) sal de voirs(creven) wynne noch laten tsijne(n) afscheyde(n) inde cleyn/ schue(re) van aende dore opde zijde te p(er)tstalle weert in beyde(n)/ zijde(n) vol tot aende(n) want vande(n) p(er)tstalle eene(n) voet neerder/ dan die cleyn schue(re) doe(r) es eenen goede(n) tas [hoys] voermaets wel/ getrist en(de) getrede(n) It(em) sal m(ijn) he(re) dabt behoude(n) altoes de(n) sulde(r)/ opde capelle en(de) alle(n) die nuwe huysinge(n) tot zijne(n) behoef op/ alsoe dat de wy(n)ne voirs(creven) hebbe(n) sal jairlix den voirs(creven) termijn/ due(re)nde vier ellen wullens lakens tot eene(n) rocke va(n) zijnen/ knechte(n) cleede(re)n en(de) d(air) voe(r) sal hij mijne(n) he(re) de(n) abt getruwelijck/ dienen It(em) sal tvoirs(creven) tcloest(er) den voirs(creven) wy(n)ne borge(n) telken/ jae(re) van zijne(n) twee cleynste(n) arde(n) twintich mudde(n) core(n)s d(er) mate(n)/ voirs(creven) sonder die te ghelde te slane totte(n) naeste(n) ts(in)t andr(ies)messe/ ap(oste)ls d(air) naestvolgen(de) It(em) es de(n) voirs(creven) wy(n)ne geleent tsijne(n) incomen(en)/ tghene des h(ier) nae volcht dwelc hij geloeft heeft tsijne(n) leste(n) jae(re)/ te betale(n) te weten(e) sesthien mudde(n) core(n)s love(n)sche d(er) mate(n) va(n)/ p(er)weys vijf mudde spelte(n) en(de) vier dossijne(n) d(er) mate(n) va(n) p(er)weys/ vijf mudde corter even(en) xxvi(½) mudde(n) en(de) drie dossijne(n) la(n)g(er)/ even(en) al love(n)sche en(de) mate va(n) p(er)weys thien dossijne(n) boone(n) twee/ mudde(n) grauwer erwete(n) en(de) oic twee mudde(n) crocke(n) oic al love(n)ssche/ d(er) maten van p(er)weys voirs(creven) It(em) eene(n) goede(n) wage(n) met vier p(er)de(n)/ gestoffeert loflijck met hare(n) h(er)nassche en(de) toebehoirte(n) getaxeert/ op veertich gulden(en) pet(er)s d(er) mu(n)ten tshertoge(n) va(n) bourg(oign)[en]/ en(de) va(n) brabant It(em) noch eene(n) goede(n) ande(re)n wage(n) oic met vier/ p(er)de(n) gestoffeert met hare(n) hernassche en(de) toebeh(oirten) getaxeert tsame(n)/ met eene(n) soecvolene op xxvii guld(en) pet(er)s der mu(n)te(n) voirs(creven)/ It(em) noch vier ploege drie eechgde(n) eene slackerre en(de) twee/ eechtwisse(n) gestoffeert met hue(re)n toebehoirte(n) getaxeert tsame(n)/ op vijf guld(en) pet(er)s d(er) mu(n)ten voirs(creven) It(em) sesse goede melc coeye/ vande(n) besten en(de) drie ande(re) melc coeye drie veerse(n) die calve(re)n/ droege(n) en(de) een jaerlinck calf en(de) noch drie jonge calve(re)n getaxeert/ tsame(n) op lx guld(en) pet(er)s d(er) mu(n)ten voirs(creven) It(em) sesse soege eene(n)/ beer xxix goed(er) vercken(en) en(de) xviii jong(er) cudden(en) tsame(n) getaxeert
//
op xxiiii gulden(en) pet(er)s d(er) mate(n) voirs(creven) It(em) es vorweerde dat de/ voirs(creven) wynne jairlix de hove bempde(n) driessche eeussele(n) en(de) lande(n)/ wel en(de) loflijck grechten en(de) bevreden sal ende alle de thuyne(n)/ ten leste(n) jaire aende bempde en(de) ae(n) de lande staende sal hij/ late(n) sonder afbreke(n) Item es vorweerde dat de wy(n)ne voirs(creven)/ ten leste(n) jae(re) die brake die hij met wint(er)corne besaeyt sal/ late(n) wynne(n) sal wel en(de) loflic op vier getidege vore(n) en(de) die wel/ eechgden en(de) bereide(n) en(de) oic sayen op dat m(ijn) he(re) gelieft voe(r) ts(in)t andr(ies)[m(esse)]/ ts(in)t remeysmesse en(de) oft m(ijn) he(re) gelieft soe mach hij d(air) sinde(n) eenen/ saye(r) die dat wint(er)corne besayen sal en(de) die win alle(n) de(n) saet leve(re)n/ en(de) de(n) saye(r) de(n) montcost geve(n) en(de) oic alle p(er)tswerck en(de) m(ijn) hee(re)/ sal de(n) saye(r) de dachue(re)n betale(n) Item sal de voirs(creven) wynne oick tsijne(n)/ lesten jae(re) alle de brake laten wel en(de) loflijck eens omgeackert en(de)/ de storte oic eens omgeackert wel en(de) loflijck uuytgesceyde(n) dat tweelf/ boender dairaf geackert ware(n) in sijnen ae(n)comen(en) als met eend(er) vore(n) te/ sayen(e) lange even(en) gelijc dat daer toebehoirt It(em) sal de voirs(creven) wy(n)ne/ alle die winhove te(n) leste(n) jae(re) late(n) oic wel en(de) loflijck eens omgedaen/ Item sal de wynne voirs(creven) ten leste(n) jae(re) in zijne(n) afsceyden(en) alle dat/ mest dat hij make(n) sal van sinte remeysmesse tot liechtmesse toe/ vue(re)n opte lande tslants meeste(n) prouffijte daers alre best te doe(n)/ sal wesen en(de) daermen somercore(n) sayen sal op alsoe waert sake/ dat de voirs(creven) wy(n)ne bynne(n) sine(n) voirs(creven) t(er)mijne en(de) getueste eenighe/ scade lede van tempeeste(n) oft ghemeynen orloghe dat tvoirs(creven) cloest(er)/ hem dair af restoir doe(n) sal gelijck ande(re)n he(re)n ende p(re)late(n) hue(re)n/ pechtene(re)n bove(n) ende benede(n) doe(n) zulle(n) Ende alle dese vorw(er)de(n)/ condicie(n) en(de) geluefte(n) voirs(creven) hebben geloeft de voirs(creven) p(ar)tien malcande(re)n/ vast ende gestentich te houden(e) en(de) te voldoene tallen tijde(n) ende/ telke(n) termijne als vervolchgde schout Hier aff zijn borgen h(en)rick/ ende warnir van gheest gebrueders ende reynwaer va(n) allengny/ van p(er)weys zwager des voirscr(even) wynne behoudelijck dat de/ voirs(creven) borghen niet voirder gepraemt en sulle(n) wesen de(n) voirs(creven)/ termijn due(re)nde dan voir i pacht en(de) voir de geheele preste(n)/ voirs(creven) en(de) van alle(n) de(n) ande(re)n condicie(n) en(de) vorweerde(n) voirscr(even)/ selen zij blive(n) ongehoude(n) hoe wale zij voir al int g(e)n(er)ael(ijck)/ staen Et prim[(us)] coram roelants tymple sept(embris) xxvi