Item denijs vand(er) hofstat sone wijlen willems woenen(de) te ned(er)ijssche/ in p(rese)ncia heeft genomen en(de) bekint dat hij genome(n) heeft van he(re)n/ claese van sinte guerix ridde(r) en(de) he(re)n janne van sinte guerix/ ridde(r) sijne(n) sone thof geheete(n) ter preit metten huysen hoven/ bog(ar)den wynnen(de) lande(n) beemde(n) eeussele(n) en(de) alle(n) den ande(re)n toe/ behoirte(n) zoe verre de selve denijs die goede eene(n) seke(re)n tijt/ gehoude(n) heeft en(de) houden(de) es Te houde(n) te hebbe(n) en(de) te wy(n)nen/ van halfmerte naistcomen(de) eene(n) t(er)mijn van xiii jae(re)n lanck/ v(er)volgen(de) Elx jairs d(aer)en bynne(n) om en(de) voe(r) i(½) mudde tarwen/ twintich mudde(n) rox elx grains goet en(de) payabel d(er) maten/ va(n) lov(en) droege en(de) ongescote(n) met wa(n)ne en(de) vede(re)n wel bereit/ alle jaire sint andriesmisse apostels te betale(n) en(de) te loven(en) te leve(re)n/ en(de) om twintich guld(en) rijders mo(ne)[te] te xxv st(uvers) tstuc sinte m(er)tens/ misse te betale(n) den vors(creven) he(re)n claese en(de) he(re)n janne alle jaire/ den vors(creven) t(er)mijn due(re)nde quol(ibet) as(ecutu)[m] It(em) selen de vors(creven) he(re)n hebbe(n)/ jairlix alle d tfruyt half dat opde vors(creven) goede jairlix wassen/ sal Bij alsoe dat sij ten tide hen d(aer) toe becu(n)dicht bijden wynne/ ald(aer) sinden selen eene(n) leze(r) en(de) den lesers selen m(ijn) he(re)n de dachue(re)n/ betalen en(de) m(ijn) he(r) [die wynne] den montcost geve(n) It(em) sal de wynne de vors(creven)/ huysinge houde(n) sijne(n) t(er)mijn lanc due(re)nde wel en(de) loflic vand(en)/ underster rijkelen nederweert op sijne(n) cost en(de) die alsoe leve(re)n/ tsijne(n) afsceiden It(em) sal de vors(creven) wynne sculd(ich) zijn die goede/ den vors(creven) hove toebehoiren(de) te houden te wynne(n) te werve(n) [en(de)] te/ mesten wel en(de) loflic sijne(n) vors(creven) t(er)mijn due(re)nde gelic bove(n)/ reengenote(n) bove(n) en(de) benede(n) sculdich sijn te doene It(em) sal de vors(creven)/ wynne jairlix leve(re)n int vors(creven) hof xxviii mandelen walms om/ de huysinge vand(en) vors(creven) hove mede te decken en(de) alsme(n) die verdect/ sal de wynne den wercliede(n) den montcost geve(n) en(de) de vors(creven)/ he(re)n de dachue(re)n betale(n) en(de) alle tstroe vand(en) vors(creven) goede(n) comen(de)/ sal de wynne met sijne(n) beesten etten te meste make(n) en(de) dat mest/ opde vors(creven) lande vue(re)n also wel ten veerste(n) als ten naisten/ tslants meeste(n) p(ro)fite It(em) sele(n) de vors(creven) he(re)n de(n) vors(creven) wy(n)ne
//
jairlix geve(n) vijf elle(n) lakens tot eene(n) tabbarde gelijc zij hue(re)n/ huysgesinde geve(n) selen Ende alle dese vorweerd(en) (et)c(etera) opp(endorp) wynge/ decembr(is) xi