Alse vanden gescille dat geweest es voir den raide vander stat/ tusscen janne de vos woute(re)n van loe ende hubrechten vander biest/ als erfgenamen wijlen marien beecks dochte(r) wout(er)s wijlen beecks/ die hij hadde van wijlen joncfr(ouwe) aliten vand(en) hove zijnen wive in/ deen zijde ende reyne(re)n vanden hove brueder der voirs(creven) wijlen/ joncfr(ouwe) aliten ende geleid zijnde met z eene(n) scepen(en) brieve van/ loeven(en) spreken(de) opter voirs(creven) moeder ende dochter van zesse rijders/ lijftochten ten live sanders van oerbeke ende zijns wijfs in/ dande(r) zijde Uut saken dat de selve reyne(r) pijnde te hemweert/ te treckene ende aen te slaene mits den vors(creven) beleide de goede/ die der vors(creven) wilen marien verschenen waren van weghen/ svors(creven) wout(er)s huers vaders [en(de)] d(aer) af de vors(creven) drie p(er)sone(n) erfge/ namen wae(re)n alsoe zij seiden boven dien nochtan dat ander/ wijlen te weten junii xxi a(nn)[o] lxi een t(er)minacie alhier gegaen/ wae(re) inhouden(de) dat de vors(creven) reyne(r) sijn gebrec vand(en) vors(creven) lijfpen(sien)/ dair hij voe(r) geleid was soude v(er)reycken aende goede der vors(creven)/ zijnre suster zoe verre zij dat verstrecken mochten Ende oft zij/ dat nyet en verstrecten dat dan beide de vors(creven) p(ar)tien wed(er)om/ comen souden te rechte voir den raide alhier om dair af/ voirt beslicht te wordde(n) gelic de selve t(er)minacie dat inhout/ Ende oic boven dien dat hij met sijnen beleide zee(r) vele ende/ meer dan sijn gebrec gedroeghe gehaven hadde alsoe zij seiden/ Versuekende dat de raid vander stad hem alsoe onderwijsde/ dat hij sijn hande dade vander voirscr(even) wilen marien/ goeden ende dat hij hen die liet volghen meynende dat/ dat alsoe behoirde Dair op de voirscr(even) reyne(r) hem v(er)ant/ weerden(de) alligeerde ende seyde hem in verren nae/ vanden voirscrev(en) scepen(en) brieven nyet voldaen betaelt/ te sijne meynen(de) alle die renten dair af verloepen/ voer en(de) nae den voirs(creven) beleide ende oic tprincipael/ gelt te moigen v(er)reycken metten voirs(creven) beleide Seggen(de)/ oic vele ande(r) gebreke ende sculden te hebben aender
//
voirscrevender zijnder suster ende hue(r) goede Dair af/ hij hielt betalinghe te nemen aen tghene des hij/ van huere ende hue(re)n goeden gehaven mocht hebben/ alsoe hij die voirscreven(en) zijn gebreke vanden vors(creven)/ scepenen brieven ende die andere tsamen met des hij/ dair tegen gehaven hadde ende met der specificacien/ vanden goeden ende die weerde der selver overgaff/ bij ordinancien vander stad in gescrifte Op dwelc/ de voirscr(even) erfgenamen zeke(r) gescriften oec overgaven/ hopen(de) dat hij egheen ande(r) scult innebringhen en soude/ moigen dan tgebrec vanden voirscr(even) scepen(en) brieve datmen/ hem dair af in gebreke was ten tide vand(en) voirscrev(en)/ beleide Cle(re)nde oic alrehande p(or)ceelen van goeden ende/ pe(n)ningen die hij dair tegen gehaven hadde die welke/ hem dair aen sculdich wae(re)n afslagh te nemene/ doene alsoe zij meynden gelijc die gescriften te beide(n)/ zijden overgegeven ende onder de stat alhier noch/ berustende aldit voirder beg(ri)pen Soe heeft de/ raid vander stat yerst die reden(en) brieve(n) en(de) gescriften/ tallen zijden gehoirt get(er)mineert en(de) den vors(creven) p(ar)tien/ uutgesproken dat de vors(creven) reyne(r) met sijne(n) beleyde neme(n) sal/ moge(n) tprincipael gelt vand(en) lijftocht d(aer) hij voe(r) geleit es/ mette(n) pachte(n) ten tide vand(en) beleide d(aer) af v(er)schene(n) en(de) ombetaelt/ uutstaen(de) en(de) mette(n) coste(n) vand(en) beleide d(aer) aen hij afcortten sal des/ hij vanden goeden bove(n) den co(m)mer d(aer) uut gaen(de) getoghen heeft/ zijdert den beleide zonder ande(r) scult dair inne te trecken En(de) oft/ p(ar)tien inde rekeni(n)ge van dien discorde(re)n d(aer) af behult de stat huer/ v(er)cle(re)n en(de) uutspraken nade gescriften te beiden zijde(n) over gegev(en)/ p(ro)nu(n)c p(ar)tib(us) p(resen)tib(us) cor(am) burgima()g(ist)ris et c(onsula)ri(is)? (con)silio ap(ri)lis v viii