Item henric van dyoen en(de) machtelt ijsewijns zijn wijf hebben/ gelooft ongesundert en(de) gezekert in rechter eedtstat dat/ zij alsulken goede beruerlic wesen(de) inden bontenosse als geinven/ tarieert zijn in eenen inventaris getekent bijder hant gerard(us)/ van baussele secretaris d(er) stat van loven(en) en(de) onder hem berusten(de)/ is hen toebehoe(re)nde die jan van coudenberge gerasteert/ heeft van huyshue(re)n en(de) voir d(er) stat assijse en(de) vort voe(r)/ ande(r) scult die de selve henric en(de) zijn wijf den selve(n)/ janne van coudenberge van vercochten wijne sculdich zijn/ niet mynde(re)n noch arge(re)n en zullen noch laten mynde(re)n/ noch arge(re)n het en zij tot behoeff en(de) te(n) proffijte des/ vors(creven) jans en(de) d(er) stat om hair sculdt zoe v(er)re men/ beveinden sal ter goed(er) rekeni(n)gen dair aen te v(er)halen/ en(de) die betaelt zijnde sal dvoirs(creven) rastement v(er)smelten/ en(de) te nieuwete zijn en(de) [sullen] de selve henr(ic) ende zijne/ wijff hue(r) proffijt metten selve(n) gerasteerd(en) goeden in/ dien gevalle mogen doen en(de) and(er)s niet vos lynde(n)/ maii xv