It(em) adriaen van barle woenen(de) te grymberghen in p(rese)ncia/ heeft gekint en(de) ghelijdt ghehaven te hebben uut handen joes/ absoloens uut name en(de) van wegen jans hellinx vijfen(de)twintich/ peters te xviii st(uvers) tstuc dair af de vors(creven) joes de xvi gelike pet(er)s/ geloofde te betalen deen helicht te paesschen en(de) dander helicht/ tsinxen(en) beide lestleden gelijc scepen(en) brieve van loven(en) d(aer)op/ gemaect vand(er) daet xiiii[c] lxx februarii iiii uutwisen ende/ dander neghen peters met gereden pe(n)ningen den vorscr(even)/ adriane als doen betaelde Heeft vort gelooft de selve/ adriaen voir janne hellinx en(de) allen ande(re)n dient aengaen/ mach inne te stane dat hem inden name van hem/ selven en(de) van janne vanden dijke jacoppe celle ende/ m(ar)grieten mo(m)marts sijnen wijve en(de) van allen den erfgename(n)/ beatrisen wilen mo(m)marts geheelic en(de) al voldaen en(de) gecontenteert/ is van alle d(er) haven als ond(er) den meye(r) vander bueken beruste
//
februarii v lestleden die hem bleven en(de) bestorven is na/ en(de) vand(er) doot beatrisen wilen mo(m)marts Geloven(de) den/ selven noch niemant and(er)s dient aengaen mach ny(m)mer/ meer van des vors(creven) is aentespreken te moyen noch/ te vexeren bij hem selven oft yemant and(er)s in gheene(n)/ rechte gheestelic noch weerlijc bij hem selven oft yemant/ and(er)s in e(n)niger manie(re)n mair van deser quitancien tege(n)/ eenen yegeliken goet gerecht warant te zijne en(de) te bliven/ tot eeuwegen dagen Hier af is borghe gorijs wante/ woenen(de) te loven(en) et p(ri)m(us) vos wynge junii vi