It(em) de voirscr(even) lod(ewijc) en(de) jouffr(ouw) marie in p(rese)ncia hebbe(n) oppe(n)baerlijc/ geconsenteert ende gewillecoert en(de) met desen consentere(n) en(de)/ willecore(n) dat peter beyard clerc voirs(creven) ontfanghe opbue(re) en(de)/ inheffe tsijnsselfs prouffite alsulke(n) xxv gulden rijders als/ hen valle(n) selen xviii dage in octobri nu naistcomen(de) van/ dien l gulde(n) rijders lijftochte(n) thue(re)r beyder live aut alt(er)ius die zij/ jairlijcx hebben opde goede m(ijns) tshe(re)n van salme(n) gelegen te/ tourinez lez ordon te bouler te loppoigne die toetebehoiren/ plage(n) jonch(e)r baud(uyn) wile(n) van glymes ende die voirs(creven) xxv/ guld(en) rijders vanden voirs(creven) t(er)mijne xviii oct(obris) nu naistcomen(de)/ bijde(n) voirs(creven) pete(re)n gehave(n) ende ontfange(n) zijnde hebbe(n) zij/ ghekint ende ghelijdt alsnu voir alsdan d(aer)af volcomelijc v(er)nuecht/ en(de) voldae(n) te zijne scelde(n) de selve lod(ewijc) en(de) jouffr(ouw) marie de(n)/ voirs(creven) greve en(de) zijne goede en(de) alle(n) ande(re)n dient ae(n)gae(n) mach/ volcomelijck quijte Geloven(de) de(n) selve(n) greve nade(n) onderscheyde/ voirs(creven) vande(n) voirs(creven) xxv rijd(er)s ne(m)m(er)meer ae(n)te spreke(n) te/ moeyen noch te vexe(re)n bij hem selve(n) oft yemande anders/ in gheene(n) rechte gheestelijck oft weerlijc in w gheender/ wijs en(de) van dese(n) goet gherecht wara(n)t te zijne ende/ te blive(n) tot eeuwige(n) dage(n) cor(am) eisd(em)