Also op heden voir meye(r) en(de) scepen(en) van loven(en) inde banc come(n)/ zijn anthonis de tambuysere met zijnen medeplege(re)n in deen/ zijde en(de) de natuerlike kynde(re) rombouts wilen godevarts/ in dande(re) Aldair de vors(creven) natuerlike kynde(re) opdeden hoe dat/ hue(r) wederp(ar)tien zeder dat zij lestwerf tegen malcande(re)n/ alhier int gerichte wae(re)n e(n)nige vanden goeden dair zij/ met scepen(en) brieve(n) van loven(en) toegeleit zijn en(de) dair af/ zij altijt tot hier toe in possessien zijn geweest ontvrompt/ hadden en(de) de vruchten dair af ewech gevurt dairt hen/ geliefde de welcke zij meynden dat hen bij hue(re)r p(ar)tien/ vors(creven) gerestitueert souden werden eermen voird(er) inder/ saken zoude procede(re)n oft dat hue(r) wederp(ar)tie e(m)mer/ caucie soude stellen de selve vruchten te restitue(re)n ten/ eynde vanden rechte op dat hen die goede bleven met/ rechte Dair op de vors(creven) anthonis met zijnen medeplege(re)n/ alligeerde(n) en(de) seide(n) dat de goede dair zij e(n)nige vruchten/ opgehaelt mochten hebben wae(re)n leengoede te weten(e) een/ half boend(er) lants gelege(n) inde prochie van eppeghem/ opt groet wijntwelt tusschen den goeden arnts mussche en(de)/ den goeden van indevelde en(de) en meynde dair af gheene/ restitucie te doen noch oic gheene caucie te stellen En(de) dat/ hadden zij gedaen met goeder reden(en) want zij hadden de selve/ goede ontfangen aen henricke van hofstaden als leenhere/ der selver goede en(de) wae(re)n dair af erfgename(n) Soe wert/ hier op gewijst bijden he(re)n scepen(en) van loven(en) ter manessen/ smeyers geliefde(n) den vors(creven) anthonise en(de) zijn medeplege(re)n/ achtervolgen(de) den voirvonnissen tusschen den vors(creven) p(ar)tien/ gewesen den goeden aentespreken dat zij dat doen mochte(n)/ en(de) met rechte p(rese)ntib(us) scabinis in scampno aug(usti) xxi