It(em) jan opden berch rintmeester des edelen he(re)n jacops greve te/ salmen hee(r) vanden lande van rotselair (et)c(etera) als geleit nae den/ rechte der stad van loeven(en) tot allen den goeden have en(de) erve des/ voirs(creven) he(re)n jacops in p(rese)ncia heeft gekint en(de) gelijdt gehaven te/ hebben en(de) ontfange(n) vande(n) edele(n) en(de) moegen(de) jonch(e)r(e)n janne g(re)ve/ te nasouwen tsarenbrugge(n) he(re)n te heynsb(er)ch te leeuwenberch te/ diest te zichn(en) (et)c(etera) en(de) dat bij hande(n) mathijs vande(n) rode rint/ meesters des voirs(creven) jonch(e)r(e)n jans inde(n) lande van diest de so(m)me/ van lxxxv r(yns) guld(en) i st(uver) vi mite(n) uut saken vanden hondert/ xli r(yns) guld(en) i st(uver) vi mit(en) die de voirs(creven) greve van salmen/ heeft jaerlijcx gehadt met scepen(en) br(ieve) va(n) loeven(en) dair af/ her mychiel absoloens ridde(r) de xxxvi en(de) gielijs cav(er)chon/ cledermake(r) de xx r(yns) guld(en) gecocht en(de) gecrege(n) hebbe(n) vallen(de)/ te ii t(er)mijne(n) tsjaers Te wete(n) deen helicht te paessch(en) en(de) dand(er)/ helicht te bamisse en(de) dat vande(n) ii leste(n) t(er)mijne(n) voirs(creven) aen en(de) op/ de goede chise en(de) rente(n) des voirs(creven) jonch(er) jans begrepe(n) inde scepenen/ br(ief) voirs(creven) bekinnen(de) he(m) de voirs(creven) jan opde(n) berch vande(n) voirs(creven) t(er)mijn/ volcomel(ijc) genoech gedaen zijnde Scelden(de) d(aer) af q(ui)te de(n) voirs(creven) jonch(e)r/ janne zijne(n) voirs(creven) rintm(eeste)r en(de) alle ande(r) des q(ui)t(inge) behoevende cor(am)/ vos lynden febr(uarii) xvi